Big Boss winner Sunny: తెలుగు బుల్లితెరపై ప్రసారమవుతున్న బిగ్ బాస్ కార్యక్రమానికి ఎంతో క్రేజ్ ఉంది. ఈ క్రమంలోనే తాజాగా పూర్తి అయిన బిగ్ బాస్ సీజన్ 5 ఈ కార్యక్రమంలో ఏ విధమైనటువంటి అంచనాలు లేకుండా బిగ్ బాస్ హౌస్ లోకి వెళ్ళిన సన్నీ విజేతగా నిలబడ్డారు. బిగ్ బాస్ హౌస్ లోకి వెళ్లే ముందు ఆయనకు పెద్దగా ఫ్యాన్ ఫాలోయింగ్ లేకపోయినా బిగ్ బాస్ ఎంట్రీ ఇచ్చిన తర్వాత రోజురోజుకు ఫ్యాన్ ఫాలోయింగ్ పెరిగిపోయింది.
ముఖ్యంగా అమ్మాయిల ఫ్యాన్ ఫాలోయింగ్ పెంచుకున్న సన్నీ చివరికి విజేతగా నిలిచారు. బిగ్ బాస్ షో విజేతగా నిలబడిన ఈయనకు బయటకు వచ్చిన తర్వాత ఎంతో క్రేజ్ వచ్చింది. ఈ క్రమంలోనే ఒక ఎన్నారై ఉష అనే మహిళ ఏకంగా వీడియో కాల్ చేసింది.ఇలా వీడియో కాల్ చేసిన ఆ మహిళ ఏకంగా తన కూతురిని పెళ్ళి చేసుకోమని కట్నంగా 100 కోట్లు రూపాయలు ఇస్తానని బంపర్ ఆఫర్ ప్రకటించింది.
ఇలా ఆమె ఆఫర్ విన్న తర్వాత సన్నీ నన్ను భరించాలంటే చాలా ఓర్పు ఉండాలి మీరు ఆ మాట అన్నారు చాలా థ్యాంక్స్ అంటూ సమాధానం చెప్పగా సన్నీ మాటలకు సదరు మహిళ నేను సీరియస్ గానే మాట్లాడుతున్నాను అంటూ తెలియజేశారు.
లైవ్ లో పెళ్లి సంబంధం మాట్లాడిన మహిళ:
ఈ విధంగా వీరిద్దరి మధ్య వీడియోకాల్ లో సంభాషణ జరుగుతూ సదరు మహిళ లైవ్ లోనే తన కూతురికి పెళ్లి సంబంధం గురించి సన్నీతో మాట్లాడింది. ప్రస్తుతం ఈ పెళ్లి ప్రపోజల్ గురించి సోషల్ మీడియాలో వైరల్ గా మారింది.