Ashish Reddy: టాలీవుడ్ ఇండస్ట్రీలో ఎంతోమంది సెలబ్రిటీలు పెళ్లిళ్లు చేసుకుని కొత్త జీవితంలోకి అడుగుపెడుతున్న సంగతి మనకు తెలిసిందే. గత ఏడాది ఎంతోమంది సెలెబ్రెటీలు వివాహం చేసుకోగా మరి కొంతమంది నిశ్చితార్థం చేసుకున్నారు. ఇలా నిశ్చితార్థం జరుపుకున్నటువంటి వారందరూ కూడా ఈ ఏడాదిలో పెళ్లి బంధంలోకి అడుగుపెడుతున్నారు.

ఇక దిల్ రాజు వారసుడిగా ఇండస్ట్రీలోకి ఆశిష్ రెడ్డి రౌడీ బాయ్స్ అనే సినిమా ద్వారా ప్రేక్షకుల ముందుకు వచ్చిన సంగతి తెలిసిందే.దిల్ రాజు సోదరుడు శిరీష్ కుమారుడిగా ఆశిష్ రెడ్డి అందరికీ పరిచయమయ్యారు. మొదటి సినిమాతో పర్వాలేదు అనిపించుకున్నటువంటి ఆశిష్ త్వరలోనే సెల్ఫిష్ సినిమా ద్వారా ప్రేక్షకుల ముందుకు రావడానికి సిద్ధమయ్యారు.

ఇక ఈయన గత ఏడాది నవంబర్ నెలలో విజయవాడకు చెందిన ప్రముఖ వ్యాపారవేత్త కుమార్తె అద్విత రెడ్డితో నిశ్చితార్థం జరుపుకున్నారు. ఇక త్వరలోనే వీరిద్దరూ పెళ్లి పీటలు ఎక్కబోతున్నారు తాజాగా వీరి పెళ్లికి సంబంధించినటువంటి విషయాలు సోషల్ మీడియాలో వైరల్ గా మారాయి.

ఉదయపూర్ లో వివాహం..

ఫిబ్రవరి 14 వాలెంటైన్స్ డే రోజున వీరిద్దరు పెళ్లి చేసుకోబోతున్నారు వీరి వివాహం జైపూర్ లోని ఓ పురాతన ప్యాలెస్ లో జరగబోతుందని తెలుస్తుంది. ఇప్పటికే పెళ్లి పనులు కూడా ప్రారంభమయ్యాయని దిల్ రాజు టాలీవుడ్ ఇండస్ట్రీలో ఉన్నటువంటి స్టార్ సెలబ్రెటీల అందరిని కూడా ఈ వివాహానికి ఆహ్వానిస్తున్నట్టు తెలుస్తుంది. ఇలా వివాహానికి టాలీవుడ్ తారలందరూ కూడా కదలి రానున్నారని సమాచారం.