టాలీవుడ్ ఇండస్ట్రీలో మంచి క్రేజ్ ఉన్న హీరోయిన్ లలో సమంత అక్కినేని ఒకరు. హీరోయిన్ గా పలు భాషల్లో నటించి మంచి గుర్తింపును సంపాదించుకున్న సమంత తన 34 వ పుట్టిన రోజు జరుపుకుంటున్న. ఈ విధంగా ఇండస్ట్రీలో మంచి గుర్తింపు సంపాదించుకొని సెలబ్రిటీ గా రాణిస్తున్న సమంత జీవితాన్ని ఆ ఒక్క సినిమా మార్చేసిందని చెప్పవచ్చు.

సమంత మొట్టమొదటిసారిగా తెలుగులో నాగ చైతన్య సరసన గౌతమ్ మీనన్ దర్శకత్వంలో తెరకెక్కిన “ఏం మాయ చేసావే” సినిమాలో నటించి కుర్రకారులందరిని మాయ చేసింది. ఈ సినిమాలో నాగచైతన్య సరసన నటించే అతన్ని ప్రేమించి, 2017వ సంవత్సరంలో పెద్దల సమక్షంలో ఒకటై తెలుగింటి కోడలుగా అడుగు పెట్టింది. పెళ్లి కాకముందే ఎన్నో గ్లామరస్ పాత్రలో నటించి మంచి విజయాలను అందుకున్న సమంత పెళ్లి తర్వాత కూడా అదే స్పీడ్ తో దూసుకుపోతోంది.

పెళ్లి తర్వాత కేవలం వెండితెరపై మాత్రమే కాకుండా పలు వెబ్ సిరీస్ లో నటిస్తూ సందడి చేస్తున్నారు. ఇప్పటికే ఈమె నటించిన “ది ఫ్యామిలీ మెన్” రెండవ సిరీస్ షూటింగ్ పూర్తి చేసుకొని త్వరలోనే విడుదల కానున్నట్లు అమెజాన్ ప్రైమ్ తెలిపింది. అలాగే క్రియేటివ్ డైరెక్టర్ గుణశేఖర్ దర్శకత్వంలో సమంత మొట్ట మొదటిసారిగా పౌరాణిక చిత్రమైన “శాకుంతలం” సినిమాలో నటిస్తున్నారు. ఈ చిత్రం పాన్ ఇండియా తరహాలో తెరకెక్కుతోంది.

కేవలం వెండితెరపై, వెబ్ సిరీస్ లో మాత్రమే కాకుండా బుల్లితెరపై కూడా పలు కార్యక్రమాలలో సందడి చేస్తున్నారు. ఇండస్ట్రీలో ఇంత మంచి గుర్తింపును సంపాదించుకున్న సమంత ఒక వ్యాపార వేత్తగా కూడా మారారు. సాకీ బ్రాండ్ దుస్తులను ప్రారంభించి మంచి వ్యాపారవేత్తగా కూడా మార్కులు సంపాదించారు. ఈ విధంగా సమంత ఇంతటి క్రేజ్ జీవితానికి కారణం ఏం మాయ చేసావే సినిమా అని చెప్పవచ్చు.