Jr NTR: దర్శకధీరుడు రాజమౌళి దర్శకత్వంలో యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ ప్రధానపాత్రల్లో తెరకెక్కిన చిత్రం ఆర్ఆర్ఆర్ ఇటీవలే విడుదలైన ఈ సినిమా సంచలనం సృష్టించింది. రోజుకో రికార్డుతో బాక్సాఫీసును బద్దలు కొడుతూ అశేష అభిమానాన్ని చూరగొంది. దీంతో రాజమౌళి, ఎన్టీఆర్, రామ్ చరణ్ పై రోజు రోజుకి ప్రశంసలు పెరుగుతూనే ఉన్నాయి. ఆ స్థాయిలో వారికి అభిమానులు కూడా పెరుగుతూనే ఉన్నారు. దీంతో ముఖ్యంగా రామ్ చరణ్, ఎన్టీఆర్ లకు విపరీతమైన ఫ్యాన్ ఫాలోయింగ్ ఏర్పడింది.
ఇప్పుడు ఎక్కడ చూసినా ఆర్.ఆర్ ఆర్ కనిపిస్తుంది బాక్సాఫీస్ ను షేక్ చేసి ఇప్పటి వరకు దాదాపు వెయ్యి కోట్ల కలెక్షన్స్ కొల్లగొట్టి టాలీవుడ్ సినిమాను ఎక్కడికో తీసుకు వెళ్ళింది ఈ చిత్రం. కొమరం భీమ్, అల్లూరి ప్రధాన పాత్రల్లో వచ్చిన ఈ చిత్రానికి విపరీతమైన రెస్పాన్స్ వచ్చింది. ముందు నుంచే భారీ అంచనాలు ఉండటంతో అభిమానుల్లో ఆసక్తి రేకెత్తించింది. దానికి తగ్గట్టుగానే రాజమౌళి సృష్టించిన విజువల్ వండర్ మామూలు ప్రేక్షకుడిని సైతం కట్టిపడేసిందంటే మామూలు విషయం కాదు. అంతే కాకుండా ఈ సినిమా పై పలువురు సినీ ప్రముఖులు కూడా ప్రశంసలు కురిపించారు.
ఈ నేపథ్యంలోనే ప్రముఖ హీరోయిన్ చేసిన ఓ పోస్ట్ ప్రస్తుతం సోషల్ మీడియాలో వైరల్ అవుతుంది. ఇంతకీ ఆమె ఎవరో కాదు మీరాచోప్రా. కెరీర్ ప్రారంభంలో వాన, బంగారం లాంటి చిత్రాలతో తళుకుమన్నా, ప్రస్తుతం అరకొర అవకాశాలతో నెట్టుకొస్తోంది ఈ భామ. ఈ నేపథ్యంలో ఆమె చేసిన వ్యాఖ్యలు ఎన్టీఆర్ ఫ్యాన్స్ ను రెచ్చగొట్టేలా ఉన్నాయని తెలుస్తుంది. సోషల్ మీడియాలో ఈ చిత్రంపై స్పందించిన మీరా చోప్రా, కేవలం రామ్ చరణ్ పేరును మాత్రమే ప్రస్తావిస్తూ ఎన్టీఆర్ అభిమానులను అసంతృప్తికి గురి చేసింది.
ట్రోల్ చేస్తున్న ఎన్టీఆర్ ఫ్యాన్స్…
సౌత్ ఇండియా హీరోలు చాలా ఎత్తుకు ఎదుగుతున్నారని పొగుడుతూ ప్రభాస్, అల్లు అర్జున్, రామ్ చరణ్, యశ్ పేర్లను హాష్ ట్యాగ్ తో జత చేసింది. కానీ ఎక్కడా కూడా ఎన్టీఆర్ పేరును ప్రస్తావించకపోవడంతో ఆయన అభిమానులు తీవ్ర ఆగ్రహం వ్యక్తం చేస్తున్నారు. బాలీవుడ్ కథానాయికలు సైతం ఎన్టీఆర్ తో నటించాలని ఓపక్క ఆసక్తిగా ఎదురు చూస్తుంటే, క్యారెక్టర్ ఆర్టిస్ట్ కి కూడా పనికిరాని మీరాచోప్రా ఇలాంటి వ్యాఖ్యలు చేస్తోందని ఎన్టీఆర్ ఫ్యాన్స్ ట్రోల్ చేస్తున్నారు. అప్పట్లో ఎన్టీఆర్ తో సినిమా చేసే అవకాశం కోల్పోయిన ఈ భామ, అప్పటి నుంచే తారక్ పై ఇలా నెగటివ్ స్ప్రెడ్ చేస్తుందని పలువురు అభిప్రాయపడుతున్నారు.