Varalakshmi Sarathkumar: వరలక్ష్మి శరత్ కుమార్ తమిళ నటుడు శరత్ కుమార్ వారసురాలుగా ఇండస్ట్రీలోకి అడుగుపెట్టిన ఈమె ఇండస్ట్రీలో దశాబ్ద కాలం పూర్తి చేసుకున్నారు.ఇలా ఇండస్ట్రీలోకి అడుగుపెట్టి పది సంవత్సరాలు పూర్తి కావడంతో ఈమె సోషల్ మీడియా వేదికగా ఒక ఎమోషనల్ పోస్ట్ చేస్తూ తన పదేళ్ల సినీ కెరియర్ లో ఎదుర్కొన్న సంఘటనలను తెలియజేశారు.
ఈ సందర్భంగా వరలక్ష్మి శరత్ కుమార్ సోషల్ మీడియా వేదికగా పోస్ట్ చేస్తూ తాను ఇండస్ట్రీలోకి వచ్చి పది సంవత్సరాలు పూర్తి అయిందని అయితే ఈ పది సంవత్సరాలలో తాను ఎన్నో ఇబ్బందులను అవమానాలను ఎదుర్కొన్నానని వెల్లడించారు. కెరియర్ మొదట్లో చాలామంది తనని బాడీ షేమింగ్ చేశారని నటనకు తాను సరిపోనంటూ ఎంతో అవమానించారని వెల్లడించారు.
బొద్దుగా ఉన్నావు ఫేసులో ఆకర్షణ లేదు అంటూ ఎంతోమంది తనకి అవకాశాలు ఇవ్వకుండా రిజెక్ట్ చేశారంటూ ఈమె ఆవేదన చెందారు. అయితే వాటి నుంచి తాను ఎన్నో నేర్చుకున్నానని చెప్పుకొచ్చారు.ఇలా అవమానాలు తిరస్కారాలు నన్ను ఆపలేదని పదేళ్ల కెరియర్ లోనే 45 సినిమాలలో నటించానని ఈమె తెలిపారు.
Advertisement
Varalakshmi Sarathkumar: పదేళ్ల కెరియర్లో ఎన్నో అవమానాలు ఎదుర్కొన్నాను…
హీరోయిన్ గా మాత్రమే కాకుండా అవకాశం వచ్చిన ప్రతి సినిమాలోను నటించి తనని తాను ప్రూవ్ చేసుకున్నానని అయితే తనకు ఎక్కువగా విలన్ పాత్రలు మంచి పేరు తీసుకువచ్చాయని వరలక్ష్మి శరత్ కుమార్ వెల్లడించారు. ఈ పది సంవత్సరాల నా సినీ కెరియర్ లో ఒక్కసారి వెనక్కి తిరిగి చూసుకుంటే మంచి అనుభూతికి లోనవుతున్నానని ఈ సందర్భంగా తన సినీ జర్నీ గురించి చెప్పుకొచ్చారు. ఇక ఈమె తెలుగులో క్రాక్ సినిమాతో ఎంతో మంచి పేరు సంపాదించుకున్నారు. అనంతరం నాంది యశోద వంటి సినిమాలలో కూడా నటించి సందడి చేశారు.
Ali: సినిమా ఇండస్ట్రీకి రాజకీయ రంగానికి ఎంతో అవినాభావ సంబంధం ఉంది సినిమా ఇండస్ట్రీలో ఎంతో మంచి సక్సెస్ అందుకున్న వారందరూ కూడా రాజకీయాలలోకి వస్తున్నారు. ఇలా సినిమా ఇండస్ట్రీలో కమెడియన్ గా ఎంతో మంచి గుర్తింపు సంపాదించుకున్న నటుడు అలీ సైతం రాజకీయాలలో కొనసాగిన సంగతి మనకు తెలిసిందే.
గతంలో పలు పార్టీలలో ఉన్నటువంటి ఈయన 2019 ఎన్నికల సమయంలో జగన్మోహన్ రెడ్డి సమక్షంలో వైఎస్ఆర్సిపి పార్టీలో చేరారు. ఇలా పార్టీ కోసం ఎంతో కష్టపడిన ఈయనకు వైఎస్ జగన్ ప్రభుత్వం ఏపీ ఎలక్ట్రానిక్ మీడియా సలహాదారునిగా కూడా పదవి అప్పగించారు. ఇక 2024 ఎన్నికలలో తనకు ఎమ్మెల్యేగా లేదా ఎంపీగా టికెట్ వస్తుందని భావించారు.
ఇలా తనుకు టికెట్ వస్తుందని ఆశించిన అలీకి నిరాశ ఎదురయింది. అంతేకాకుండా ఈసారి ఎన్నికలలో పార్టీ తరఫున కూడా ఈయన ప్రచార కార్యక్రమాలను నిర్వహించకుండా పూర్తిగా దూరంగా ఉన్నారు. ఇక వైసీపీ ఘోర ఓటమి పాలు కావడంతో ఎక్కడా కూడా స్పందించిన దాఖలాలు కూడా లేవు.
Advertisement
సామాన్య పౌరుడిగా.. ఇలా రాజకీయాలకు కాస్త దూరంగా ఉన్నటువంటి ఈయన ఇటీవల సంచలన నిర్ణయం తీసుకున్నారు. తాను వైసీపీ పార్టీకి రాజీనామా చేస్తున్నానని ప్రకటించడమే కాకుండా ఇకపై తాను ఎలాంటి రాజకీయ పార్టీలలోకి వెళ్లనని పూర్తిగా రాజకీయాలకు దూరంగా ఉంటున్నానని తెలిపారు. ఒక సామాన్య పౌరుడిగా మాత్రమే నేను నా ఓటు హక్కును వినియోగించుకుంటానని ఈ సందర్భంగా ఆలీ తెలియజేస్తూ ఒక వీడియోని షేర్ చేశారు.
AP: ఆంధ్రప్రదేశ్లో వాలంటీర్ వ్యవస్థ గురించి ప్రస్తుతం ఎన్నో సందేహాలు వాలంటీర్ వ్యవస్థ గురించి ఎన్నో ప్రశ్నలు కూడా తలెత్తుతూ ఉన్నాయి. ఒకటో తేదీ రానే వస్తుంది ఇంటింటికి వెళ్లి పింఛన్లు అందజేయాలి అంటే తప్పనిసరిగా వాలంటీర్లు అవసరం కనుక జూలై ఒకటో తేదీకి ప్రభుత్వం వాలంటీర్ వ్యవస్థ గురించి ఏదో ఒక నిర్ణయం తీసుకుంటుందని అందరూ ఎదురు చూస్తున్నారు.
ఇలా వాలంటీర్ గురించి ఏపీ ప్రభుత్వం ఎలాంటి నిర్ణయం తీసుకుంటుందోనని అందరూ ఎదురు చూస్తున్నటువంటి తరుణంలో ఆంధ్రప్రదేశ్ దేవాదాయ శాఖ మంత్రి ఆనం రామనారాయణరెడ్డి వాలంటీర్ వ్యవస్థ గురించి మాట్లాడుతూ సంచలన వ్యాఖ్యలు చేశారు. ఈ సందర్భంగా ఈయన మీడియా సమావేశంలో మాట్లాడుతూ వాలంటీర్ వ్యవస్థ ఇకపై ఉండదని తేల్చి చెప్పారు.
ఇంటింటికి పెన్షన్ అందజేసే కార్యక్రమంలో భాగంగా ఇప్పటికే సచివాలయ ఉద్యోగస్తులను నియమించారు. దీంతో వాలంటీర్ వ్యవస్థ ఉండదని గత కొద్దిరోజులుగా వార్తలు వస్తున్నటువంటి తరుణంలో మంత్రి వ్యాఖ్యలు ఆందోళనకరంగా ఉన్నాయి. వాలంటీర్లతో పాటు గ్రామ పరిధిలో ఉన్నటువంటి ఆశ వర్కర్లు అంగన్వాడీ టీచర్లతో ఇంటింటికి వెళ్లి పించని పంపిణీ చేయాలని ఇప్పటికే ఆదేశాలు వచ్చిన సంగతి తెలిసిందే.
Advertisement
ఈ క్రమంలోనే పెన్షన్ల బాధ్యత సచివాలయ సిబ్బందికి అప్పగించారు ఇక రేషన్ పాత పద్ధతిలోనే రేషన్ షాపు వద్దకు వెళ్లి తీసుకోవాల్సి ఉంటుంది ఇలాంటి తరుణంలో వాలంటీర్ వ్యవస్థతో పనిలేదని అందుకే వాలంటీర్ వ్యవస్థ గురించి ప్రభుత్వం ఇలాంటి నిర్ణయం తీసుకున్నారని అర్థమవుతుంది. అయితే మంత్రి చేసిన ఈ వ్యాఖ్యలతో వాలంటీర్లు ఆందోళన వ్యక్తం చేస్తున్నారు.
ఆందోళనలో వాలంటీర్లు.. గత ప్రభుత్వం 5000 రూపాయల గౌరవ వేతనం చెల్లించింది కానీ చంద్రబాబు నాయుడు ఎన్నికల ప్రచార కార్యక్రమాలలో భాగంగా 10,000 రూపాయలు గౌరవ వేతనం ఇస్తున్నామని చెప్పడంతో ఎంతో మంది వాలంటీర్ ఉద్యోగం పట్ల ఆశాభావం వ్యక్తం చేస్తూ ఆయనకు ఓట్లు కూడా వేశారు కానీ గెలిచిన తర్వాత ఇలా వాలంటీర్ వ్యవస్థ గురించి నిర్ణయం తీసుకోకపోవడం వాలంటీర్ వ్యవస్థ ఉండదని చెప్పడం పట్ల వాలంటీర్లు ఆందోళన వ్యక్తం చేస్తున్నారు.
Rajamouli: పాన్ ఇండియా స్టార్ హీరో ప్రభాస్ కల్కి సినిమా ద్వారా ప్రేక్షకుల ముందుకు వచ్చారు. ఈ సినిమా అద్భుతమైన టాక్ సొంతం చేసుకోవడమే కాకుండా భారీ స్థాయిలో కలెక్షన్స్ కూడా రాబట్టడంతో ఈ సినిమాపై ఎంతోమంది సినీ సెలెబ్రెటీలు స్పందిస్తూ వారి అభిప్రాయాలను తెలియజేస్తున్నారు. ఈ క్రమంలోనే ప్రభాస్ సినిమాలకు సంబంధించి గత విషయాలు కూడా ప్రస్తుతం వైరల్ అవుతున్నాయి.
ప్రభాస్ ఒకప్పుడు కేవలం తెలుగు చిత్ర పరిశ్రమకు మాత్రమే పరిమితమయ్యారు కానీ ప్రభాస్ కి ఈ స్థాయిలో క్రేజ్ రావడానికి కారణం మాత్రం రాజమౌళి అని చెప్పాలి ఈయన దర్శకత్వంలో బాహుబలి సినిమా ద్వారా ప్రభాస్ పాన్ ఇండియా హీరోగా పేరు ప్రఖ్యాతలు సంపాదించుకున్నారు. ఇక బాహుబలి సినిమాని ద్వారా రాజమౌళి ఎవరు చేయని సాహసం చేశారు.
అప్పటివరకు బాలీవుడ్ ఇండస్ట్రీలో సౌత్ సినిమాలకు పెద్దగా క్రేజీ లేదు అంతేకాకుండా బాలీవుడ్ సెలబ్రిటీలు కూడా ఈ సినిమాలో లేరు అక్కడ ఈ సినిమా సక్సెస్ అవుతుందా అన్న సందేహంతోనే రాజమౌళి తనపై తాను నమ్మకం ఉంచి ఈ సినిమాని విడుదల చేశారు. ఇక ఈ సినిమా నార్త్ లోకి మంచి ఆదరణ పొందినప్పటికీ తెలుగు రాష్ట్రాలలో మాత్రం డిజాస్టర్ టాక్ సొంతం చేసుకుంది.
Advertisement
నెగటివ్ టాక్.. ఇలా తెలుగు రాష్ట్రాలలో ఈ సినిమాకి నెగటివ్ టాక్ రావడంతో తాను చాలా కంగారపడ్డానని ఆ సమయంలో డిప్రెషన్ లోకి కూడా వెళ్లిపోయానని తెలిపారు. కానీ రాజమౌళి విజినరీ ముందు నెగిటివ్ టాక్ కొట్టుకుపోయి ప్రతి ఒక్కరు కూడా కట్టప్ప బాహుబలిని ఎందుకు చంపారనే టాక్ కారణంగా సినిమా చూడటానికి వెళ్లి ఈ సినిమాని విజయవంతం చేశారని తెలుస్తోంది.