YS Sharmila: కూటమి ప్రభుత్వం అధికారంలోకి వచ్చిన తర్వాత ఏపీలో కూటమి నేతల గురించి సోషల్ మీడియాలో అనుచిత పోస్టులు చేసిన వారిపై ఉక్కు పాదం మోపుతున్నారు. అయితే ఈ విషయంలో కూటమి ప్రభుత్వానికి వైఎస్ఆర్ షర్మిల పూర్తి మద్దతు తెలిపారు. ఇలా సోషల్ మీడియాలో తన గురించి తన తల్లి గురించి అలాగే తన సోదరి సునీత గురించి జగన్మోహన్ రెడ్డి అతని పార్టీ నేతలు ఎన్నో అసభ్యకరమైన పోస్టులు చేసే హింసించారని మండిపడ్డారు.

ఇలా సోషల్ మీడియాలో అనుచిత వ్యాఖ్యలు చేసిన వారికి తగిన శిక్ష పడాలని ఈమె డిమాండ్ చేశారు. ఇక వైయస్ అవినాష్ రెడ్డి సమక్షంలో కూడా ఇలా సోషల్ మీడియా చిత్రహింసలు జరిగాయని తనని ఎందుకు ఇంకా విచారించలేదని ఈమె పోలీసులను ప్రశ్నించారు. ముఖ్యంగా సోషల్ మీడియాలో వైసిపి కార్యకర్తలు చేస్తున్నటువంటి ఇలాంటి దారుణాల వెనుక సజ్జల భార్గవ్ ఉన్నారని ఈమె గుర్తు చేశారు.

సజ్జల భార్గవ్ సోషల్ మీడియా హెడ్ అని ముందు పెద్ద తలకాయలను శిక్షిస్తే అందరూ అలర్ట్ అవతారని షర్మిలా తెలిపారు. సజ్జల భార్గవ్ ఎక్కడ దాగున్న ఏ ప్యాలెస్ లో దాక్కున్నా కూడా అరెస్టు చేయాలని తెలిపారు. పరోక్షంగా సజ్జల భార్గవ్ జగన్ ఇంట్లో ఉన్న ఉపేక్షించేది లేదని అరెస్టు చేయాలని ఈమె తెలియజేశారు.

YS Sharmila: వైయస్ వివేకా కేసు..

ఒక పార్టీ అధ్యక్షురాలుగా తాను వీటిపై కేసు నమోదు చేస్తే రాజకీయాల పరంగా ఇబ్బందులు తలెత్తుతాయని తాను మౌనంగా ఉన్నట్లు షర్మిలా తెలిపారు. ఇక కూటమి ప్రభుత్వం అధికారంలోకి వచ్చిన తర్వాత వైయస్ చిన్నాన్న హత్య కేసులో పురోగతిని కోరుకున్నారు. ఈ ప్రభుత్వ హయామంలో అయినా తన చిన్నమ్మ సౌభాగ్యమ్మ సునీతకు న్యాయం జరగాలని షర్మిల కోరారు.

Rocking Rakesh: జబర్దస్త్ కార్యక్రమం ద్వారా కమెడియన్ గా ఎంతో మంచి సక్సెస్ అందుకున్న వారిలో రాకేష్ ఒకరు. జబర్దస్త్ ద్వారా గుర్తింపు పొందిన రాకేష్ తన తోటి కమెడియన్ జోర్దార్ సుజాతను ప్రేమించి పెళ్లి చేసుకున్నారు. ఇక ఇటీవల వీరిద్దరికీ ఓ చిన్నారి కూడా జన్మించిన సంగతి తెలిసిందే. ఇక సుజాత కూడా కెరియర్ పరంగా సినిమాలు వెబ్ సిరీస్లలో నటిస్తూ ఎంతో బిజీగా ఉన్నారు.

రాకేష్ కేసీఆర్ సినిమాలో నటించిన విషయం మనకు తెలిసిందే. ఈ సినిమాలో హీరోగా మాత్రమే కాకుండా నిర్మాతగా కూడా రాకేష్ నటించారు. తెలంగాణ బ్యాక్ డ్రాప్ లో ఈ సినిమా ప్రేక్షకుల ముందుకు రాబోతుంది. నిజానికి ఈ సినిమా గత ఏడాది విడుదల కావాల్సి ఉండగా అప్పట్లో తెలంగాణలో ఎన్నికల కోడ్ అమలులో ఉన్న నేపథ్యంలో ఈ సినిమా విడుదల వాయిదా పడింది. ఎట్టకేలకు ఈ నెల 22వ తేదీ ఈ సినిమా ప్రేక్షకుల ముందుకు రావడానికి సిద్ధమవుతుంది..

ఇటీవల ఈ సినిమా ప్రీ రిలీజ్ వేడుకను కూడా ఘనంగా నిర్వహించారు. ఈ కార్యక్రమానికి హరీష్ రావుతో పాటు రోజా కూడా ముఖ్య అతిథులుగా పాల్గొన్నారు. అలాగే జబర్దస్త్ టీం అంతా కూడా ఈ వేడుకలో పాల్గొని సందడి చేయడమే కాకుండా ఈ సినిమాకి మంచి విజయం అందించాలని కోరుకున్నారు. ఇక ఈ సినిమా కోసం తాము ఎంతో కష్టపడ్డామని ఇల్లు కార్లు అన్నీ కూడా తాకట్టు పెట్టామని రాకేష్ తెలిపారు.

Rocking Rakesh: ప్రమోషన్స్..

ఈ సినిమా ప్రమోషన్లలో భాగంగా ఈయన అర్ధరాత్రి హైదరాబాద్ వీధులలో తిరుగుతూ గోడలకు పోస్టర్లను ఆయనే అతికిస్తూ కనిపించారు. ప్రస్తుతం ఇందులో సంబంధించిన ఫోటోలు వైరల్ గా మారడంతో కొందరు ఇలా చిన్న చిన్న పనులను వాళ్లే చేసుకుంటూ సినిమా ఖర్చులను తగ్గించుకుంటున్నారని ఈ సినిమాని సక్సెస్ చేయాలని కామెంట్లు చేయగా మరికొందరికి ఇది ఒక రకమైన ప్రమోషన్ అంటూ ఈ వీడియో పై కామెంట్లు చేస్తున్నారు. మరి హీరోగా రాకేష్ నటించిన ఈ సినిమా ద్వారా ఆయన ఎలాంటి సక్సెస్ అందుకుంటారు అనేది తెలియాల్సి ఉంది.

Bobby: తెలుగు సినీ ఇండస్ట్రీలో స్టార్ హీరోగా ఎంతో మంచి గుర్తింపు సంపాదించుకున్న వారిలో నటుడు చిరంజీవి ఒకరు. ఈయన ఇండస్ట్రీలో ఎంతో మంచి సక్సెస్ అందుకొని ఎంతోమందికి ఆదర్శంగా నిలిచారు. ఇక చిరంజీవిని స్ఫూర్తిగా తీసుకొని ఎంతోమంది హీరోలు కూడా ఇండస్ట్రీలోకి అడుగుపెట్టి ప్రస్తుతం ఇండస్ట్రీలో సక్సెస్ అందుకున్న సంగతి తెలుస్తుంది.

ఇదిలా ఉండగా చిరంజీవి హీరోగా ప్రస్తుతం వరుస సినిమాలలో నటిస్తూ యువ హీరోలకు గట్టిపోటీ ఇస్తున్నారు. ఇక ఇటీవల ఈయన చివరిగా వాల్తేరు వీరయ్య సినిమా ద్వారా మంచి సక్సెస్ అందుకున్నారు. ఈ సినిమాకు బాబీ దర్శకత్వం వహించారు. ఇక చిరంజీవితో సినిమా చేసే హిట్ అందుకున్న బాబి మరోసారి బాలకృష్ణతో సినిమా చేస్తున్నారు.

త్వరలోనే డాకు మహారాజ్ అనే సినిమా ద్వారా ఈ చిత్రం ప్రేక్షకుల ముందుకు రాబోతుంది. జనవరి 12వ తేదీ ఈ సినిమా విడుదలకు సిద్ధమైంది. తాజాగా ఒక ఇంటర్వ్యూలో పాల్గొన్నటువంటి డైరెక్టర్ బాబి కథ ఎంపిక విషయంలో చిరంజీవి బాలకృష్ణ మధ్య ఉన్న వ్యత్యాసాన్ని తెలియజేస్తూ చేసిన కామెంట్స్ ప్రస్తుతం సోషల్ మీడియాలో వైరల్ అవుతున్నాయి. ఈ సందర్భంగా బాబి ఇద్దరి హీరోల గురించి మాట్లాడుతూ…

Bobby: గుడ్డిగా నమ్మేస్తారు…

చిరంజీవి గారికి మనం కథ చెప్పినప్పుడు ఆయన ప్రతిసారి ఆ కథ గురించి అడుగుతూనే ఉంటారు. అలాగే డైలాగ్ పేపర్ కూడా తనకు ముందే ఇవ్వాలని చెబుతారు. ప్రతి విషయంలో చాలా శ్రద్ధ పెడుతూ ఉంటారని తెలిపారు. ఇక బాలకృష్ణ గురించి మాట్లాడుతూ బాలయ్య గారికి ఒకసారి కథ చెబితే మరోసారి ఆ కథ గురించి దర్శకుడుని అడగరు. ఆయన గుడ్డిగా డైరెక్టర్లను నమ్మేస్తారు. ఇక సినిమా షూటింగ్ సమయంలో కూడా డైరెక్టర్ చెబితే బాలయ్య అదే చేస్తారని తెలిపారు. ఇలా ఇద్దరు హీరోల గురించి చెప్పడంతో చిరు యాంటీ ఫ్యాన్స్ మాత్రం చిరంజీవి గురించి కామెంట్లు చేస్తూ చిరంజీవి కథ విషయంలో ప్రతిసారి వేలు పెట్టి గెలుకుతూ ఉంటారు అంటూ కామెంట్లు చేస్తున్నారు.