Niharika: నిహారిక కొణిదెల పరిచయం అవసరం లేని పేరు. మెగా డాటర్ గా గుర్తింపు పొందినటువంటి ఈమె ఇండస్ట్రీలోకి అడుగుపెట్టి యాంకర్ గాను హీరోయిన్ గాను సందడి చేశారు. అనంతరం పెళ్లి చేసుకుని కొత్త జీవితంలోకి అడుగు పెట్టారు అయితే వైవాహిక జీవితంలో ఎక్కువ కాలం పాటు నిహారిక ఉండలేకపోయారు. దీంతో తన భర్తతో విడాకులు తీసుకొని ఈమె విడిపోయారు.

ఇలా తన భర్త నుంచి విడిపోయిన అనంతరం కెరియర్ పై ఎంతో ఫోకస్ పెట్టినటువంటి నిహారిక ఇటీవల ఒక ఇంటర్వ్యూలో పాల్గొన్నారు. ఈ ఇంటర్వ్యూ సందర్భంగా ఈమె మొదటిసారి తన వృత్తి పరమైన వ్యక్తిగత విషయాలన్నింటినీ కూడా తెలియజేశారు. ఈ క్రమంలోనే సిసింద్రీ సినిమా గురించి నిహారిక చేసిన కామెంట్స్ వైరల్ అవుతున్నాయి.

తాను 1993లో జన్మించానని తెలిపారు. నాన్నకు ఆడపిల్ల పుట్టాలని చాలా కోరికగా ఉండేది ముందుగా అన్నయ్య పుట్టడంతో ఈసారి తప్పకుండా కూతురే పుడుతుందని భావించారు. అయితే నేను అపోలో హాస్పిటల్లో జన్మించానని నేను జన్మించే సమయానికి నాన్న ముగ్గురు మొనగాళ్లు సినిమాకు ప్రొడ్యూసర్గా వ్యవహరిస్తూ షూటింగ్ లొకేషన్ లో ఉన్నారు. పాప పుట్టిందని తెలియగానే నాన్న పెదనాన్న ఇద్దరు షూటింగ్ లోకేషన్ నుంచి హాస్పిటల్ కి వచ్చారని నిహారిక తెలిపారు.

8 నెలలకే నడిచే దాన్ని..

ఇక నేను పుట్టినప్పటి నుంచి చాలా యాక్టివ్ గా ఉండే దానిని ఎనిమిది నెలలకే నడవడం మొదలుపెట్టాను అయితే సిసింద్రీ సినిమా కోసం పాకుతూ ఉండే చిన్నారి కావాలని నన్ను కూడా సంప్రదించారు కానీ నేను నడుస్తూ ఉండడంతో నా బదులు ఈ సినిమాలో అఖిల్ నటించారంటూ నిహారిక ఈ సందర్భంగా చేసిన కామెంట్స్ వైరల్ అవుతున్నాయి.