Samantha: టాలీవుడ్ ఇండస్ట్రీలో స్టార్ హీరోయిన్గా ఎంతో మంచి సక్సెస్ అందుకున్న వారిలో నటి సమంత ఒకరు. ఇండస్ట్రీలో హీరోయిన్గా కొనసాగుతూ ఎంతో మంచి పేరు ప్రఖ్యాతలను అభిమానులను సొంతం చేసుకున్న ఈమె నటుడు నాగచైతన్యను ప్రేమించి పెద్దల సమక్షంలో పెళ్లి చేసుకున్నారు. పెళ్లి తర్వాత వీరి వైవాహిక జీవితం కొద్దిరోజుల పాటు ఎంతో సంతోషంగా సాగింది.

నాగచైతన్యతో మూడు సంవత్సరాలు పాటు ఎంతో సంతోషంగా ఉన్న సమంత వారిద్దరి మధ్య వచ్చిన మనస్పర్ధలు కారణంగా విడాకులు తీసుకొని విడిపోయారు. ఇలా విడాకులు తీసుకుని దాదాపు మూడు సంవత్సరాలు అవుతుంది అయితే నాగ చైతన్య మాత్రం మరోసారి పెళ్లికి సిద్ధమయ్యారు ఈయన నటి శోభితతో పెళ్లికి సిద్ధమయ్యారు ఇప్పటికే వీరిద్దరి నిశ్చితార్థం కూడా జరిగింది కానీ సమంత మాత్రం ఇప్పటికే సింగిల్గానే ఉన్నారు.

సమంత ప్రస్తుతం పెళ్లి గురించి ఆలోచించకుండా పూర్తిగా కెరియర్ పైన ఫోకస్ పెట్టారు. ఇక సమంత సోషల్ మీడియాలో ఎంతో యాక్టివ్ గా ఉంటూ నిత్యం తనకు సంబంధించిన అన్ని విషయాలను అభిమానులతో పంచుకుంటూ ఉంటారు. ఈ క్రమంలోనే ఈమె తాజాగా తన ఇంట జరిగిన పెళ్లి వేడుకలకు సంబంధించిన ఫోటోలను షేర్ చేశారు.
సమంత సోదరుడు..
సమంత అన్నయ్య డేవిడ్ వివాహం నికోలయ్ అనే విదేశీ యువతితో ఎంతో ఘనంగా జరిగింది. ఈ పెళ్లి వేడుకలకు సంబంధించిన ఫోటోలను ఈమె సోషల్ మీడియా వేదికగా షేర్ చేస్తూ తన అన్నయ్యకు శుభాకాంక్షలు తెలిపారు. ఇక ఈ పెళ్లి వేడుకలలో సమంత చాలా స్టైలిష్ లుక్ లో కనిపించి సందడి చేశారు. ఇక ఈ ఫోటోలు వైరల్ అవుతున్నాయి.

Pawan Kalyan: సినీ నటుడు పవన్ కళ్యాణ్ మరోసారి దీక్ష తీసుకున్నారు. ఈయన 11 రోజులపాటు ఈ ప్రాయశ్చిత్త దీక్షలో ఉండబోతున్నారని తెలుస్తుంది. నేడు ఉదయం గుంటూరు జిల్లా నంబూరులోని శ్రీ దశావతార వెంకటేశ్వర స్వామి ఆలయంలోని అర్చకుల సమక్షంలో ఈయన దీక్ష తీసుకున్నారు.

ఆలయ అర్చకులు ఈయన చేతికి దీక్షా కంకణం కట్టి దీక్షను ప్రారంభించారు. పవన్ కళ్యాణ్ ఈ దీక్షను 11 రోజులపాటు చేయబోతున్నారని తెలుస్తుంది. ఇలా 11 రోజుల తర్వాత ఈ దీక్షను విరమించబోతున్నారు. ఈ విధంగా పవన్ కళ్యాణ్ దీక్ష తీసుకోవడానికి గల కారణం తిరుపతి లడ్డు అపవిత్రం కావడమేనని తెలుస్తోంది.

గత ప్రభుత్వం తిరుపతి లడ్డు తయారీలో ఆవు నెయ్యికి బదులుగా జంతువుల కొవ్వు నుంచే ఉపయోగించిన నూనేను కలిపి ప్రసాదంగా తయారు చేస్తున్నారని ఆరోపణలు వచ్చాయి. అంతేకాకుండా ఈ విషయంపై ప్రస్తుత ప్రభుత్వం తీవ్రస్థాయిలో మండిపడుతూ వైకాపా నేతలపై వైకాపా ప్రభుత్వ తీరుపై ఆగ్రహం వ్యక్తం చేస్తున్నారు.

వారాహి అమ్మవారి దీక్ష..
ఇలా నెయ్యికి బదులుగా జంతువుల కొవ్వు నుంచి తయారు చేసిన నూనె ఉపయోగించడంతో తిరుమల లడ్డు అపవిత్రం అయిందని, అందుకే పవన్ కళ్యాణ్ ప్రాయశ్చితం దీక్ష కొనసాగిస్తున్నారని తెలుస్తుంది. 11 రోజులపాటు ఈ దీక్ష పూర్తి అయిన తర్వాత పవన్ కళ్యాణ్ తిరుమల శ్రీవారిని దర్శించుకోబోతున్నారు. అయితే పవన్ కళ్యాణ్ ఇలా దీక్ష తీసుకోవడం సర్వసాధారణం. ఈయన డిప్యూటీ సీఎం అయిన తర్వాత వారాహి అమ్మవారి దీక్ష తీసుకున్న సంగతి మనకు తెలిసిందే. ప్రస్తుతం మరోసారి దీక్ష కొనసాగిస్తున్నారు.

మెగా పవర్ స్టార్ రామ్ చరణ్ తేజ్ (Ramcharan Tej) చివరిగా రాజమౌళి దర్శకత్వంలో వచ్చిన RRR సినిమా ద్వారా ప్రేక్షకుల ముందుకు వచ్చి పాన్ ఇండియా స్టార్ హీరోగా పేరు ప్రఖ్యాతలను సొంతం చేసుకున్నారు. ఈ సినిమా తర్వాత ఈయన మరో స్టార్ డైరెక్టర్ శంకర్ (Shankar) డైరెక్షన్లో పాన్ ఇండియా సినిమాకు కమిట్ అయిన సంగతి తెలిసిందే. ఈ సినిమా ఇప్పటికే ప్రేక్షకుల ముందుకు రావాల్సి ఉండగా కొన్ని కారణాల వల్ల వాయిదా పడుతూ వస్తుంది. అంతేకాకుండా ఈ సినిమా నుంచి ఇప్పటివరకు ఏ విధమైనటువంటి అప్డేట్స్ లేకపోవడంతో అభిమానులు కూడా ఎంతో ఆగ్రహం వ్యక్తం చేస్తూ వచ్చారు.

ఎన్నో సందర్భాలలో దర్శక నిర్మాతలను ట్యాగ్ చేస్తూ అభిమానులు ఈ సినిమా గురించి అప్డేట్స్ అడిగినప్పటికీ ఎలాంటి అప్డేట్స్ ఇవ్వకపోవడంతో అభిమానులు ఆగ్రహం వ్యక్తం చేశారు. అయితే తాజాగా డైరెక్టర్ ఎస్ ఎస్ తమన్(SS Thaman) రామ్ చరణ్ అభిమానులకు గుడ్ న్యూస్ చెప్పారు. ఈ సినిమా విడుదల గురించి క్లారిటీ ఇవ్వడమే కాకుండా సినిమాకు సంబంధించిన వరుస ఈవెంట్స్ జరుగుతాయని అభిమానులు రెడీగా ఉండాలి అంటూ ఈయన సోషల్ మీడియా వేదికగా వెల్లడించారు.

గేమ్ ఛేంజర్ బ్యాక్ గ్రౌండ్ స్కోర్ వర్క్ అక్టోబర్ 1 నుంచి మొదలు కానుంది. సినిమా డిసెంబర్ 20న రిలీజ్ కానుంది. వచ్చే వారం నుంచి డిసెంబర్ 20 వరకు గేమ్ ఛేంజర్ సినిమాకు వరుసగా ఈవెంట్స్, సినిమా నుంచి వరుసగా అప్డేట్స్ ఉంటాయి. రెడీ గా ఉండండి. వచ్చేవారమే ఈ సినిమా నుంచి మరో అప్డేట్ రాబోతుంది అంటూ ఈయన వెల్లడించడంతో అభిమానులు ఎంతో సంతోషం వ్యక్తం చేస్తున్నారు. ఇకపోతే ఈ సినిమా నిర్మాత దిల్ రాజు(Dil Raju) క్రిస్మస్ పండుగ సందర్భంగా ఈ సినిమా విడుదలవుతుందని చెప్పిన తేదీ మాత్రం చెప్పలేదు. కానీ తమన్ మాత్రం 20వ తేదీ విడుదల కాబోతుందని చెప్పకనే చెప్పారు అయితే ఈ విడుదల తేదీ గురించి త్వరలోనే అధికారక ప్రకటన ఇవ్వనున్నారు.