Rocking Rakesh -jordar Sujatha: జబర్దస్త్ కమెడియన్లుగా ఎంతో మంచి గుర్తింపు సంపాదించుకున్న రాకింగ్ రాకేష్ జోర్దార్ సుజాత గురించి అందరికీ సుపరిచితమే.ఈ కార్యక్రమం మొదట్లో వీరిద్దరూ కలిసి ఒకే స్కిట్ లో సందడి చేసేవారు. అయితే వీరిద్దరి మధ్య ఏర్పడిన పరిచయం ప్రేమగా మారింది. అయితే వీరి ప్రేమ విషయాన్ని కుటుంబ సభ్యులకు తెలియజేయడంతో వీరి పెళ్లికి గ్రీన్ సిగ్నల్ ఇచ్చారు.

ఇలా వీరి పెళ్లికి పెద్దలు అంగీకారం తెలియజేయడంతో జబర్దస్త్ వేదికగా ఈ జంట తాము ప్రేమలో ఉన్నామని త్వరలోనే పెళ్లి కూడా చేసుకోబోతున్నామని షాకింగ్ న్యూస్ తెలియజేశారు.ఇలా వీరి ప్రేమ విషయాన్ని బయట పెట్టినప్పటి నుంచి తరచూ వీరిద్దరూ కలిసి పెద్ద ఎత్తున స్కిట్లు చేయడమే కాకుండా పలు వెకేషన్లకు వెళుతూ ఎంతో ఎంజాయ్ చేసేవాళ్లు.

ఈ విధంగా సుజాత రాకింగ్ రాకేష్ ఇద్దరు కూడా జబర్దస్త్ వేదికపై సందడి చేయడంతో పాటు ప్రత్యేకంగా యూట్యూబ్ ఛానల్ కూడా నిర్వహిస్తూ వారికి సంబంధించిన అన్ని విషయాలను అభిమానులతో పంచుకుంటారు. అయితే గత కొద్ది రోజుల క్రితం సుజాత తమ ప్రేమ ప్రయాణం గమ్యానికి చేరింది అంటూ ఒక వీడియోని షేర్ చేశారు. ఈ వీడియోలో భాగంగా రాకేష్ తో తన పరిచయం ఆ పరిచయం ప్రేమగా మారడం, పెద్దలు ప్రేమ పెళ్లికి అంగీకరించడం వంటి అన్ని విషయాల గురించి తెలిపారు.

Rocking Rakesh -jordar Sujatha నిశ్చితార్థానికి హాజరైన మంత్రి రోజా..

ఇక వీరిద్దరూ త్వరలోనే నిశ్చితార్థం చేసుకోబోతున్నామని విషయాన్ని కూడా సుజాత తెలిపారు. అయితే వీరిద్దరి నిశ్చితార్థం జనవరి 27వ తేదీ ఎంతో ఘనంగా జరిగిందని తెలుస్తోంది. ఇలా నిశ్చితార్థానికి సంబంధించిన ఫోటోలు ప్రస్తుతం సోషల్ మీడియాలో వైరల్ గా మారాయి. నిశ్చితార్థ కార్యక్రమానికి పలువురు జబర్దస్త్ కమెడియన్స్ హాజరయ్యారు అలాగే మినిస్టర్ రోజా అనసూయ యాంకర్ రవి వంటి తదితరులు కూడా ఈ నిశ్చితార్థ కార్యక్రమానికి హాజరయ్యారు.ప్రస్తుతం వీరి నిశ్చితార్థ ఫోటోలు వైరల్ గా మారాయి.