Samantha: సమంత టాలీవుడ్ ఇండస్ట్రీలో నటిగా ఎంతో అద్భుతమైన పేరు ప్రఖ్యాతలు గుర్తింపు సంపాదించుకున్నారు. అయితే గత కొంతకాలంగా సమంత మయోసైటిసిస్ వ్యాధి బారినపడి తాను కమిట్ అయిన సినిమాలకు పూర్తిగా దూరంగా ఉన్న విషయం మనకు తెలిసిందే. అయితే ప్రస్తుతం ఈమె ఈ వ్యాధి నుంచి కోలుకోవడంతో తిరిగి సినిమా పనులలో బిజీ అయ్యారు.

ఈ క్రమంలోనే సమంత ప్రస్తుతం రాజ్ అండ్ డీకే దర్శకత్వంలో రాబోతున్న సిటాడెల్ సిరీస్ లో నటిస్తున్న విషయం మనకు తెలిసిందే. ఈ సిరీస్ తో పాటు విజయ్ దేవరకొండ హీరోగా ఖుషి సినిమా షూటింగ్లో కూడా బిజీగా మారిపోయారు. ఇక ఈమె నటిస్తున్న సిటాడెల్ వెబ్ సిరీస్ హాలీవుడ్లో ప్రియాంక చోప్రా నటించారనే విషయం మనకు తెలిసిందే. దీనిని అదే పేరుతో ఇండియన్ వెర్షన్ లో తెరకెక్కిస్తున్నారు.

ఈ క్రమంలోనే ఈ వెబ్ సిరీస్ గురించి ప్రియాంక చోప్రా మాట్లాడుతూ… ఈ వెబ్ సిరీస్ ఇండియన్ వెర్షన్ కోసం తాను ఎంతో ఆసక్తిగా ఎదురుచూస్తున్నానని తెలిపారు. ఇక ఇందులో నటిస్తున్నటువంటి సమంత నటన గురించి చెప్పాల్సిన పనిలేదు. ఆమె ఒక గొప్ప నటి తనకు నటనలో ఎలాంటి సలహాలు సూచనలు అవసరం లేదని తెలియజేశారు.

Samantha: మార్షల్ ఆర్ట్స్ శిక్షణ తీసుకున్న సమంత…

తాజాగా తాను వరుణ్ దావన్ని కలిసి ఈ షూటింగ్ గురించి అడిగి తెలుసుకున్నానని తెలిపారు. ఇక ఈ వెబ్ సిరీస్ లో సమంతకు జోడిగా నటుడు వరుణ్ ధావన్ నటిస్తున్న విషయం తెలిసిందే.ఇక ఈ వెబ్ సిరీస్ కోసం సమంత ప్రత్యేకంగా మార్షల్ ఆర్ట్స్ శిక్షణ కూడా తీసుకున్నారు.ఇక ఈ వెబ్ సిరీస్ కోసం ఈమె పెద్ద ఎత్తున యాక్షన్ సన్నివేశాలలో నటించబోతున్నారని తెలుస్తోంది.