Sobhita: సినీ నటుడు నాగచైతన్య రెండోసారి శోభితను పెళ్లి చేసుకున్నారు సమంతకు విడాకులు ఇచ్చిన తర్వాత ఈయన శోభితను పెళ్లి చేసుకున్నారు. ప్రస్తుతం వీరి పెళ్లికి సంబంధించిన ఫోటోలు వీడియోలు సోషల్ మీడియాలో వైరల్ అవుతున్నాయి. ఇలా అక్కినేని ఇంటి కోడలుగా శోభిత అడుగు పెట్టడంతో అభిమానులు ఎంతో సంతోషం వ్యక్తం చేస్తూ ఆమెకు శుభాకాంక్షలు తెలుపుతున్నారు.

ఇకపోతే తాజాగా ఈమె అక్కినేని ఇంటిలోకి కోడలుగా అడుగు పెట్టిందో లేదో అప్పుడే మాజీ కోడలు సమంతను ఓ విషయంలో వెనక్కి నెట్టేసిందనే చెప్పాలి. మరి ఏ విషయంలో సమంతను శోభిత బీట్ చేసిందనే విషయానికి వస్తే…ఐఎండీబీ ఎప్పటికప్పుడు.. నటీ,నటులు ర్యాంకుల జాబితాలను విడుదల చేస్తుంటుంది.

ఈ జాబితాలో శోభిత ధూళిపాళ.. సమంతను వెనక్కు నెట్టేసినట్లు తెలుస్తొంది. శోభిత టాప్ ఐదవ స్థానంలో నిలిచారు. ఇక సమంత మాత్రం ఎనిమిదో స్థానంలో ఉండటంతో అభిమానులు ఈ విషయంపై కామెంట్లు చేస్తున్నారు. నాగచైతన్య భార్యగ అక్కినేని ఇంట్లో అడుగు పెట్టిందో లేదో అప్పుడే మాజీ భార్యను ఈ విషయంలో వెనక్కి నెట్టి మరింత క్రేజ్ సొంతం చేసుకుంది అంటూ కామెంట్లు చేస్తున్నారు.

Sobhita: అక్కినేని కోడలు..

ఇక సమంత నాగచైతన్య ఇద్దరు ప్రేమించుకుని పెద్దల సమక్షంలో ఎంతో ఘనంగా పెళ్లి చేసుకున్నారు కానీ వీరి వైవాహిక జీవితంలో విభేదాలు రావడంతో పెళ్లైన మూడు సంవత్సరాలకు విడాకులు తీసుకుని విడిపోయారు. ఇలా విడాకుల తర్వాత నాగచైతన్య శోభిత ప్రేమలో పడటం ఆమెను పెళ్లి చేసుకోవడం జరిగింది.

RGV: ప్రముఖ సంచలనాత్మక దర్శకుడు రామ్ గోపాల్ వర్మ ఇటీవల కాలంలో పెద్ద ఎత్తున వార్తల్లో నిలుస్తున్నారు. ముఖ్యంగా ఈయనపై కేసు నమోదు కావడంతో ఈయన పరారీలో ఉన్నారు అంటూ వార్తలు వస్తున్న నేపథ్యంలో ఈయన ఏమాత్రం భయపడకుండా సోషల్ మీడియా వేదికగా ఎప్పటికప్పుడు కూటమి నేతలకు అలాగే పోలీసులకు కౌంటర్లు ఇస్తూ సోషల్ మీడియా వేదికగా పోస్టులు చేస్తున్నారు.

ఇకపోతే రాంగోపాల్ వర్మ గత కొద్దిరోజులుగా అల్లు అర్జున్ పూర్తిస్థాయిలో మద్దతు తెలుపుతూ మెగా కుటుంబానికి కూడా కౌంటర్ ఇస్తున్న సంగతి మనకు తెలిసిందే. తాజాగా అల్లు అర్జున్ నటించిన పుష్ప 2 సినిమా విడుదల కావడంతో ఈ సినిమాపై రామ్ గోపాల్ వర్మ స్పందిస్తూ సోషల్ మీడియా వేదికగా చేసిన పోస్ట్ ప్రస్తుతం వైరల్ అవ్వడమే కాకుండా ఈ పోస్ట్ పై మెగా ఫ్యాన్స్ ఫైర్ అవుతున్నారు.

పుష్ప 2 ది రూల్ సినిమాతో ఆల్ ఇండియా ఇండస్ట్రీ హిట్ ఇచ్చినందుకు అల్లు అర్జున్‌తో పాటు చిత్ర బృందానికి ఆయన అభినందనలు తెలియజేశారు. అల్లు అర్జున్ ఈజ్ మెగా మెగా మెగా మెగా మెగా స్టార్ అంటూ ఈయన చేసిన ఈ పోస్ట్ ప్రస్తుతం సోషల్ మీడియాలో వైరల్ అవ్వడమే కాకుండా మెగాస్టార్ కంటే కూడా ఈయనే సూపర్ అన్నట్టు ఈయన పోస్ట్ చేయడంతో మెగా ఫాన్స్ ఫైర్ అవుతున్నారు.

RGV: ప్లానెట్ స్టార్..

పుష్ప 2 విడుద‌ల‌కు ముందుకూడా మెగా కంటే అల్లు ఎన్నో రెట్లు మెగా అని, కేవలం గ్లోబల్ స్టార్ మాత్రమే కాదు, ప్లానెట్ స్టార్ అని వర్మ కితాబునిచ్చాడు. ఏది ఏమైనా ఈయన కోసం పోలీసులు గాలిస్తున్నారు అంటూ వార్తలు వస్తున్నప్పటికీ కూడా అల్లు అర్జున్ కూటమి నేతలను అలాగే మెగా హీరోలను ఇలా టార్గెట్ చేస్తూ సోషల్ మీడియాలో పోస్టులు చేయడంతో ఇవి కాస్త సంచలనంగా మారాయి.

https://x.com/RGVzoomin/status/1864506709739503938?ref_src=twsrc%5Etfw%7Ctwcamp%5Etweetembed%7Ctwterm%5E1864506709739503938%7Ctwgr%5Ef8e0b41ff530452562d06211c8396bfe3769fc63%7Ctwcon%5Es1_&ref_url=https%3A%2F%2Fwww.ntnews.com%2Fcinema%2Frgv-post-on-pushpa-2-the-rule-1814032

Pushpa 2: పుష్ప సినిమాలోని కొన్ని డైలాగ్స్ కొంతమందిని టార్గెట్ చేస్తూ రాసారని స్పష్టంగా తెలుస్తుంది. నా స్నేహితుడి కోసం నేను ఎక్కడికైనా వస్తాననే డైలాగ్ అల్లు అర్జున్ పరోక్షంగా కూటమి నేతలకే చెప్పారని స్పష్టం అవుతుంది. ఎన్నికల నేపథ్యంలో ఈయన తన స్నేహితుడికి మద్దతు తెలపడం కోసం నంద్యాల వెళ్లారు అయితే ఈ అంశాన్ని దృష్టిలో పెట్టుకొని ఈ డైలాగ్ పెట్టారని అందరూ భావిస్తున్నారు. పరోక్షంగా ఈ డైలాగ్ ద్వారా పవన్ కళ్యాణ్ అలాగే మెగా అభిమానులకు కౌంటర్ ఇచ్చారని కూడా తెలుస్తుంది.

ఇకపోతే ఈ సినిమాలోని మరో డైలాగు కూడా మెగాస్టార్ చిరంజీవిని ఉద్దేశించి పెట్టారంటూ ఈ డైలాగు సంచలనంగా మారడమే కాకుండా ఈ డైలాగు విషయంపై మెగా అభిమానులు తీవ్రస్థాయిలో మండిపడుతున్నారు. ఈ సినిమాలో అల్లు అర్జున్ ఓ సన్నివేశంలో డైలాగ్ చెబుతూ ఎవడ్రా బాస్.. ఎవడికి రా బాస్.. ఆడికి ఆడి కొడుక్కి, ఆడి తమ్ముడికి కూడా నేనే బాస్ అంటూ ఈ డైలాగ్ ఉంది.

ఇక ఈ డైలాగు సన్నివేశానికి అనుగుణంగా పెట్టారు తప్ప ఎవరిని కించపరిచే విధంగా పెట్టి ఉండరు కానీ కొంతమంది మాత్రం ఈ డైలాగ్ తప్పనిసరిగా మెగాస్టార్ చిరంజీవి అలాగే రామ్ చరణ్ పవన్ కళ్యాణ్ కు కౌంటర్ ఇస్తూ చెప్పిన విధంగా ఉంది అంటూ మెగా అభిమానులు ఈ డైలాగుపై మండిపడుతున్నారు.

Pushpa 2: నెగిటివ్ ప్రచారం..

ఇక ఈ సినిమా కోసం పనిచేసిన టెక్నీషియన్లు రైటర్స్ డైరెక్టర్స్ మెగా హీరోలకు కూడా పనిచేస్తారు కాబట్టి మెగా హీరోలను కించపరిచే విధంగా అయితే పెట్టి ఉండరని సన్నివేశానికి అనుగుణంగా మాత్రమే ఇలాంటివి పెట్టి ఉంటారు అంటూ పలువురు మద్దతు తెలుపుతున్నారు. ఏది ఏమైనా ఈ సినిమా ఇండస్ట్రీ బ్లాక్ బాస్టర్ హిట్ అందుకోబోతుందని స్పష్టం అవుతుంది. ఈ తరుణంలోనే కొంతమంది ఉద్దేశపూర్వకంగా ఈ సినిమాపై ఇప్పటికి నెగిటివ్ ప్రచారం చేస్తూ ఉన్నారని బన్నీ ఫాన్స్ ఫైర్ అవుతున్నారు.