Pawan Kalyan: పవర్ స్టార్ పవన్ కళ్యాణ్ ఒకవైపు సినిమాలలో నటిస్తూనే మరోవైపు రాజకీయాలలో కూడా కొనసాగుతున్న విషయం మనకు తెలిసిందే. ఇలా సినిమా షూటింగ్ పనులలో బిజీగా ఉంటూనే మరోవైపు వారాహి యాత్రలో భాగంగా రాజకీయ ప్రచార కార్యక్రమాలను మొదలుపెట్టారు.ఇలా సినిమాలు రాజకీయాలు అంటూ వృత్తిపరమైన జీవితంలో ఎంతో బిజీగా ఉన్నటువంటి పవన్ కళ్యాణ్ గురించి తాజాగా రచయిత పరుచూరి గోపాలకృష్ణ మాట్లాడుతూ పలు ఆసక్తికరమైన విషయాలను తెలియచేశారు. ఈ సందర్భంగా పరుచూరి గోపాలకృష్ణ మాట్లాడుతూ సమాజంలో మార్పు రావాలనీ పవన్ కళ్యాణ్ మనస్ఫూర్తిగా కోరుకున్నారు అంటూ ఈయన కామెంట్ చేశారు…
సమాజం ఎప్పుడు ఒకరి ఆధిపత్యంలోని ముందుకు సాగకూడదని సమాజంలో మార్పులు రావాలని పవన్ కళ్యాణ్ వ్యాఖ్యానించడం సరైనదని పరుచూరి వెల్లడించారు. ఇలా సమాజం మారాలి అంటే అప్పుడప్పుడు అధికారం కూడా చేతులు మారాల్సిన అవసరం ఉందని ఈయన తెలిపారు.ఈ క్రమంలోనే గత ఎన్నికలలో పోటీ చేసి ఓడిపోయినటువంటి పవన్ కళ్యాణ్ ప్రస్తుతం దెబ్బతిన్న పులిలా మరోసారి ఎన్నికల బరిలోకి దిగుతున్నారని ఈయన తెలిపారు. తన పట్టుదలతో ఈసారైనా తాను అనుకున్నది సాధించాలని ఆయన ఆకాంక్షిస్తున్నారు.
Pawan Kalyan: సినిమాలు మాత్రం మానొద్దు….
ఈ విధంగా పవన్ కళ్యాణ్ కోరుకున్నది నెరవేరాలని ఆయన మంచి కోరుకున్నటువంటి వారిలో తాను కూడా ఒకరని ఈ సందర్భంగా పరుచూరి పవన్ గురించి చేసిన కామెంట్స్ వైరల్ అవుతున్నాయి. పాలిటిక్స్ లో ఎన్నో ఎదురుదెబ్బలు తగులుతాయి.. వాటిని లెక్క చేయకుండా ముందు సాగాలి.. ఓటింగ్ అనేది పెద్ద రాజకీయం తంత్రం సమాజం గురించి ఒక రాజకీయ నాయకుడు చెప్పితే వినడం కన్నా… ఒక సినీ నాయకుడు చెబితే వినే వారే అధికంగా ఉన్నారని ఈయన తెలిపారు ఇక పవన్ కళ్యాణ్ రాజకీయాలలో కొనసాగుతూ సినిమాలను పూర్తిగా పక్కన పెట్టకుండా అప్పుడప్పుడు సినిమాలు చేయాలని తాను కోరుకుంటున్నానని పరుచూరి వెల్లడించారు.