Janasena: ఏపీ ఎన్నికలు సమీపిస్తున్నటువంటి తరుణంలో జనసేనకు గాజు గ్లాస్ గుర్తు విషయంలో పెద్ద ఎత్తున ఆందోళన కలిగింది. ఈ గుర్తు జనసేన పార్టీ గుర్తు అయినప్పటికీ దీనిని ఫ్రీ సింబల్స్ లో పెట్టడంతో అయోమయం నెలకొంది. జనసేన అభ్యర్థుల పోటీ చేసే చోట గాజు గ్లాస్ గుర్తును కేటాయించినప్పటికీ ఈ అభ్యర్థులు పోటీ లేని చోట ఇండిపెండెంట్ అభ్యర్థులకు గాజు గ్లాస్ గుర్తును కేటాయించారు.

ఇలా కేటాయించడంతో గందరగోళ పరిస్థితులు నెలకొన్నాయి. ఈ విషయాన్ని జనసేన నాయకులు ఈసీ దృష్టికి తీసుకు వెళ్లారు. రిటర్నింగ్ అధికారుల నిర్ణయంపై జనసేన కోర్టును ఆశ్రయించింది. ఈ నేపథ్యంలో ఎన్నికల సంఘం కోర్టుకు నివేదిక సమర్పించింది. జనసేన పోటీ చేస్తున్న అసెంబ్లీ స్థానాల్లో, అలాగే జనసేన పోటీలో ఉన్న లోక్ సభ నియోజకవర్గాల పరిధిలో గాజు గ్లాసు గుర్తును జనసేనకే కేటాయిస్తున్నామని తెలిపారు.

ఇక ఎక్కడైతే స్వతంత్ర అభ్యర్థుల పోటీ చేస్తున్నారో వారికి గ్లాస్ గుర్తు ఇవ్వడంలేదని తెలిపారు. ఈసీ ఈ నివేదికలతో కోర్టులో ఈ పిటిషన్ కూడా కొట్టివేశారు. ఇకపోతే ఏపీలో 25 లోక్ సభ స్థానాలు ఉండగా, 13 చోట్ల ఈ గాజు గ్లాస్ గుర్తును ఫ్రీజ్ చేశారు.నేపథ్యంలో ఈ 13 లోక్ సభ స్థానాల పరిధిలో జనసేనకు అలాగే కూటమి పార్టీలకు రిలీఫ్ లభించనుంది.

13 ఎంపీ స్థానాలు..
ఇక ఈ ఎన్నికలలో భాగంగా జనసేన రెండు లోక్ సభ స్థానాలలో అలాగే 21 అసెంబ్లీ స్థానాలలో పోటీ చేస్తున్న సంగతి మనకు తెలిసిందే.21 అసెంబ్లీ సెగ్మెంట్లు ఉన్న విజయనగరం, అరకు, విశాఖపట్నం, అనకాపల్లి, రాజమండ్రి, రాజంపేట, ఏలూరు, మచిలీపట్నం, గుంటూరు, తిరుపతి, కాకినాడ, అమలాపురం, నరసాపురం ఈ13 ఎంపీ స్థానాలలో ఈసీ గాజు గ్లాసు గుర్తును ఇతరులకు కేటాయించకుండా ఫ్రీజ్ చేసింది.

AP Politics: మరొక రెండు వారాలలో ఎన్నికలు జరగబోతున్నాయి. ఈ క్రమంలోనే ఆంధ్రప్రదేశ్లో ఎన్నికల వేడి రాజుకుంది. ఎన్నికల ప్రచార కార్యక్రమాలకు పెద్దగా సమయం లేకపోవడంతో పెద్ద ఎత్తున పార్టీ ప్రచార కార్యక్రమాలను నిర్వహిస్తున్నారు. ఈ క్రమంలోనే ప్రతిపక్షనేత తెలుగుదేశం పార్టీ అధినేత చంద్రబాబు నాయుడు ఎన్నికల ప్రచార కార్యక్రమాలలో దూకుడు కనబరుస్తున్నారు.

ఇప్పటికే ఉమ్మడి మేనిఫెస్టో విడుదల చేసిన సంగతి తెలిసిందే. అయితే ఈయన అధికారంలోకి వచ్చిన తర్వాత తన మొదటి సంతకం మెగా డీఎస్సీ పైనే అంటూ ప్రకటించిన విషయం తెలిసిందే. ఇలా మొదటి సంతకం డీఎస్సీ పై పెడతానని చెప్పిన బాబు రెండో సంతకం కూడా దీనిపై పెట్టబోతున్నారనే విషయాన్ని తెలిపారు.

కూటమి గెలిస్తే రెండో సంతకం ల్యాండ్ టైటిలింగ్ రద్దు పైనే సంతకం చేస్తానని తెలిపారు. అసలు ఏపీలో ఈ ల్యాండ్ టైటిలింగ్ చట్టం అమలులోనే లేదు కానీ తమ ప్రచార కార్యక్రమాల కోసం లేనది ఉన్నట్టు క్రియేట్ చేస్తూ బాబు ప్రచార కార్యక్రమాలను నిర్వహిస్తున్నారని ఇప్పటికే వైసీపీ నేతలు అలాగే సీఎం జగన్మోహన్ రెడ్డి కూడా మండిపడ్డారు.

ల్యాండ్ టైటలింగ్ యాక్ట్..
ఇలాంటి టైటిలింగ్ చట్టం ద్వారా మన భూముల ఒరిజినల్ పట్టాలు ప్రభుత్వంలో తీసుకొని కేవలం జిరాక్స్ కాపీలు మాత్రమే మనకిస్తోందని ఈ విషయంపై న్యాయ పోరాటంలో పోరాటం చేసే అవకాశాలు కూడా లేకుండా జగన్మోహన్ రెడ్డి చేశారు అంటూ చంద్రబాబు నాయుడు తప్పుడు ప్రచారాలకు తెర తీశారు. ఇలా లేని చట్టాన్ని ఉందని చూపిస్తూ ప్రజలను మభ్యపెడుతున్నారని అంతే కాకుండా వారిని నమ్మించడం కోసం తన రెండో సంతకం ల్యాండ్ టైటిలింగ్ చట్టం రద్దు పై అంటూ చంద్రబాబు బహిరంగంగా అసత్యాలు చెప్పడం అందరిని విస్మయానికి గురి చేస్తుందని చెప్పాలి.

YS Jagan Mohan Reddy: ఏపీ ముఖ్యమంత్రి జగన్మోహన్ రెడ్డి ప్రస్తుతం పలు నియోజకవర్గాలలో ఎన్నికల ప్రచార కార్యక్రమాలలో ఎంతో బిజీగా ఉన్న సంగతి మనకు తెలిసిందే. ఈ క్రమంలోనే ఇటీవల జగన్ బొబ్బలి పాకాయిరావుపేట ఏలూరులో పర్యటించారు. అయితే ఈ సభలలో భాగంగా చంద్రబాబు నాయుడు పై తీవ్ర స్థాయిలో ఆగ్రహం వ్యక్తం చేశారు.

చంద్రబాబు నాయుడుకి ఓటమి భయం పట్టుకుందని అందుకే లేనిపోని దుష్ప్రచారాలు చేస్తున్నారంటూ మండిపడ్డారు. ముఖ్యంగా ల్యాండ్ టైటిలింగ్ గురించి దుష్ప్రచారం చేస్తూ ప్రజలను భయభ్రాంతులకు గురి చేస్తున్నారని తెలిపారు. ఈ ల్యాండ్ టైటిలింగ్ చట్టం మన ఏపీలో అమలులో లేదు కానీ చంద్రబాబు నాయుడు మాత్రం అమలులో ఉందని పేదల భూములను జగన్ లాక్కుంటున్నారని ప్రచారాలు చేస్తున్నారు.

జగన్మోహన్ రెడ్డికి పేదలకు పంచడమే తప్ప చంద్రబాబు లాగా లాక్కోవడం తెలియదని ఈయన విమర్శలు చేశారు. వంద సంవత్సరాల తర్వాత తిరిగి భూములకు రీ సర్వే జరుగుతుంది. భూములను అప్డేట్ చేసే రైతన్నలకు అందిస్తూ ఉంటే చంద్రబాబునాయుడు ఓర్చుకోలేకపోయారని జగన్ మండిపడ్డారు.

బాబును ఓడించడం అంటే పేదలను గెలిపించడమే..

రైతులకు రూపాయి ఖర్చు లేకుండా ఈ సర్వేలన్నింటినీ చేయించామని వారు ఇకపై కోర్టుల చుట్టూ ఆఫీసుల చుట్టూ తిరిగే పరిస్థితిని తప్పించామని జగన్ తెలిపారు. ఈ జగన్మోహన్ రెడ్డి ఎప్పుడు పేదలు, పేదలు అంటూ ఉంటే పెత్తందారి అయినటువంటి చంద్రబాబు నాయుడుకి నచ్చడం లేదని విమర్శలు కురిపించారు. చంద్రబాబు నాయుడును ఓడించడం అంటే పేదలను గెలిపించినట్టే అంటూ ఈ సందర్భంగా జగన్ చేసినటువంటి కామెంట్స్ వైరల్ అవుతున్నాయి.