Sudigali Sudheer: బుల్లితెర ప్రేక్షకులను ఎంతగానో ఆకట్టకుంటున్న జబర్దస్త్ కార్యక్రమం గురించి ప్రత్యేకంగా చెప్పాల్సిన పనిలేదు. ప్రతివారం రెండు రోజుల పాటు ప్రసారమవుతూ ఈ కార్యక్రమం ప్రేక్షకులను సందడి చేస్తుంది. ఇక ఈ వారం ప్రసారం కాబోయే ఎక్స్ ట్రా జబర్దస్త్ కార్యక్రమానికి సంబంధించిన ప్రోమో విడుదల చేశారు.
ఇక ఈ కార్యక్రమానికి జడ్జ్ గా వ్యవహరించినరోజాకు మంత్రిపదవి రావడంతో ఇక జబర్దస్త్ కార్యక్రమానికి గుడ్ బై చెప్పారు.ఈ క్రమంలోనే జబర్దస్త్ వేదిక పై రోజాకు ఘనంగా వీడ్కోలు తెలిపారు.ఈ వేదిక పై రోజా ఎమోషనల్ అవుతూ కన్నీళ్లు పెట్టుకున్నారు. ఇక ఈ కార్యక్రమానికి పూర్ణ కూడా న్యాయనిర్ణేతగా వ్యవహరించారు. ఈ ప్రోమోలో భాగంగా పూర్ణ పైమాకి ముద్దు పెట్టడంతో ఇమ్మాన్యుయేల్ కూడా తనకి ముద్దు కావాలని అడుగుతాడు.
ఇమ్మాన్యుయేల్ అడగడంతో పూర్ణ తనకు ముద్దు పెడతా అని చెప్పగా బుగ్గపై ముద్దు పెడుతుందని ఇమ్మాన్యుయేల్ ఎంతో ఆశగా అక్కడికి వెళ్తాడు అయితే పూర్ణ తన చేతిపై ముద్దు పెట్టి షాక్ ఇస్తుంది. ఈ క్రమంలోనే సుడిగాలి సుదీర్ సైతం తనకి ముద్దు కావాలని అడుగుతాడు. సుధీర్ ఇలా అడిగేసరికి పూర్ణ తనకు ఒక బంపర్ ఆఫర్ ఇచ్చింది.
అడ్డుపడిన రష్మి…
నువ్వు నా బుగ్గ పై కొరికితే నీకు ముద్దు పెడతా అని చెప్పడంతో సుధీర్ సరేనంటూ ఆమె దగ్గరికి వెళ్తాడు.ఈ సమయంలో రష్మి కల్పించుకుని పూర్ణ గారు మీరు ముద్దు పెడితే నేను ఒప్పుకోను అంటూ అడ్డుపడుతుంది. అయితే ఈ ప్రోమోలో సుధీర్ కి పూర్ణ ముద్దు పెట్టినట్లు చూపించారు. ప్రస్తుతం ఈ ప్రోమో సోషల్ మీడియాలో వైరల్ గా మారడంతో ఎంతోమంది ఈ ప్రోమో పై స్పందిస్తూ పూర్ణ ఢీ లోనే కాకుండా ఇక్కడ కూడా బుగ్గ కొరడాలు మొదలుపెట్టింది నువ్వు మారవు అంటూ కామెంట్లు చేస్తున్నారు.
