టాలీవుడ్ లో ఎంతోమంది గొప్ప నటీనటులు, దర్శకులు, మరెందరో కళాకారులున్నారు. కేవలం సినిమాపై వున్న మమకారంతో వారందరూ ఎన్నో అష్టకష్టాలు పడి తెలుగు చిత్రసీమకు పరిచయమౌతున్నారు. అయితే టాలీవుడ్ లోనే ఒకే కుటుంబం నుండి కొందరు నటీనటులు, కళాకారులు పరిచయమయ్యారు.

కానీ వాళ్ళమధ్య వున్న బంధుత్వాల గురించి తెలుగు సినీ ప్రేక్షకులకు తెలియదనే చెప్పాలి. అందుకే టాలీవుడ్ లో వుంటూ మంచి గుర్తింపు ను సంపాదించుకున్న కొందరి సినీ ప్రముఖుల బంధుత్వాల గురించి ఇప్పుడు చదివి తెలుసుకోండి.

టాలీవుడ్ లో చోటా కె నాయుడు గారి కెమెరా పనితనం గురించి చెప్పనక్కర్లేదు , ఆయన హీరోలని చాలా బాగా చూపిస్తారనే మంచి పేరుంది. చోటా కె నాయుడికి యువ హీరో సందీప్ కిషన్ మేనల్లుడు అవుతాడు. సందీప్ హీరో గా నటించి చాలా సినిమాలకు చోటా కె నాయుడు కెమెరామెన్ గా చేశారు.

అలనాటి మహానటి సావిత్రి, ఒకప్పటి బాలీవుడ్ టాప్ హీరోయిన్ రేఖ ఇద్దరూ తల్లీ కూతుళ్లు అవుతారు. సావిత్రిని రెండో పెళ్లి చేసుకున్న జెమిని గణేశన్ మొదటి భార్య పుష్పవల్లి కూతురే రేఖ.

గోపిచంద్, శ్రీకాంత్ టాలీవుడ్ లో తనకంటూ ఓ ప్రత్యేక స్థానాన్ని ఏర్పరుచున్న శ్రీకాంత్ కి హీరో గోపిచంద్ బంధువేనన్న సంగతి చాలామందికి తెలియదు. గోపిచంద్ శ్రీకాంత్ గారి మేనకోడలిని పెళ్ళి చేసుకున్నాడు.

విశ్వ నటుడు కమల్ హాసన్, సహజ నటి సుహాసిని ల బంధుత్వం కోసం చెప్పాలంటే.. సుహాసినికి కమల్ స్వయానా బాబాయ్ అవుతారు. కమల్ అన్నయ్య చారు హాసన్ కూడా నటుడే. చారుహాసన్ కూతురే సుహాసిని. లెజెండ్ డైరెక్టర్ మణిరత్నంని 1988లో ఈమె పెళ్ళి చేసుకున్నారు.

కళాతపస్వి కె విశ్వనాధ్, నటుడు చంద్రమోహన్ కజిన్స్ అవుతారు. అందుకే తన సినిమాల్లో చంద్రమోహన్ ని విశ్వనాధ్ ఎక్కువగా ప్రోత్సాహించేవారు.

అలనాటి మేటి నటి, టాలీవుడ్ డైరెక్టర్ విజయ నిర్మల, సహజనటి జయసుధకు వరుసకు అత్తవుతుంది. సూపర్ స్టార్ కృష్ణ హీరోగా నటించిన “పండంటి కాపురం” చిత్రం ద్వారా జయసుధ టాలీవుడ్ ఎంట్రీ ఇచ్చింది.

అందాల తార శ్రీదేవి ఒక్క టాలీవుడ్ లోనే కాదు భారత దేశ సినీ చరిత్రలో ఎప్పటికి గుర్తుండిపోయే గొప్ప నటి. అలాగే గులాబీ, పెళ్లిలాంటి సూపర్ హిట్ చిత్రాల్లో నటించిన మహేశ్వరి, శ్రీదేవి దగ్గరి బంధువులు. శ్రీదేవికి మహేశ్వరి మేనకోడలి వరుస అవుతుంది.

మతం మార్చుకున్న మ్యూజిక్ డైరెక్టర్ ఏ ఆర్ రెహ్మాన్, జివి ప్రకాష్ ల మధ్య బంధం ఏమిటంటే.. సంగీత దర్శకునిగా పరిచయమై, హీరోగా మారిన ప్రకాష్, స్వయంగా రెహ్మాన్ సొంత అక్క కొడుకే.

టాలీవుడ్ లో పెద్ద కుటుంబాలుగా చెప్పుకునే దగ్గుబాటి, అక్కినేని ఫ్యామిలీలో వెంకటేష్ చెల్లెలు లక్ష్మీ గారు, నాగార్జున గారు మాజీ దంపతులు. వీరి కుమారుడే నాగ చైతన్య. వెంకటేష్ నాగార్జునలు సొంత బావ మరుదులు. కొన్ని కారణాల వల్ల నాగార్జున మొదటి భార్యతో విడాకులు తీసుకున్నప్పటికీ వీరి మధ్య మంచి స్నేహమే ఉంది.

‘సాహో’ చిత్రంలో పవర్ ఫుల్ రోల్ లో నటించిన అరుణ్ విజయ్ ఎవరంటే, ప్రముఖ నటుడు విజయ్ కుమార్ మొదటి భార్య కొడుకు. ఇక మొదటి భార్య చనిపోయాక మంజులను పెళ్లాడారు. టాలీవుడ్, కోలీవుడ్ చిత్రాలలో నటించిన స్టార్ హీరోయిన్లు ప్రీతి, ,శ్రీదేవి వీరి సంతానమే.

వందకు పైగా సినిమాలకు సంగీతం అందించిన సంగీత దర్శకులు కీరవాణి గారు, అలాగే తెలుగు దర్శకుల సినిమా స్థాయిని ప్రపంచానికి చాటి చెప్పిన దర్శక ధీరుడు S.S రాజమౌళి గారూ వీరిద్దరూ అన్నదమ్ముళ్లే. కీరవాణి గారి పిన్ని కొడుకు రాజమౌళి. రాజమౌళి గారూ తీసిన అన్ని సినిమాలకు సంగీతం అందించారు కీరవాణిగారు.

బాలీవుడ్ లో తన అసమాన ప్రతిభను చాటిన నటి విద్యాబాలన్, తెలుగులో పలు భాషల్లో నటించిన ప్రియమణి ఇద్దరూ కజిన్స్ అవుతారు. అలాగే ప్రముఖ గాయని మాల్గుడి శుభకు ప్రియమణి మేనకోడలు అవుతుంది.

హీరో రామ్, శర్వానంద్ ఇద్దరు తెలుగు సినిమాలో రాణిస్తున్న యువ హీరోలే. అయితే వీరిద్దరు దగ్గరి బంధువులు అన్న సంగతి మీకు తెలుసా.? అవును రామ్ పోతినేనికి శర్వానంద్ బావ వరుస అవుతాడు. శర్వానంద్ అన్న రామ్ పోతినేని అక్క ఇద్దరు భార్య భర్తలు.

ఒకప్పటి బాలీవుడ్ స్టార్ షబానా అజ్మీ ,టబు బంధం గురించి చెప్పాలంటే, షబానా అన్న కూతురే టబు.

విలక్షణ నటుడు ప్రకాష్ రాజ్, శ్రీహరి గారు కలిసి చాలా సినిమాలలో కలసి నటించారు. టాలీవుడ్ ప్రేక్షకులకు గుర్తుండిపోయే క్యారెక్టర్లు చేశారు. కానీ వాస్తవానికి వీరిద్దరూ బంధువులేనన్న సంగతి అందరికీ తెలియదు. ప్రకాష్ రాజ్ గారి మొదటి భార్య, శ్రీ హరి గారి భార్య సొంత అక్క చెల్లెళ్లు.

1990లలో స్టార్ హీరోయిన్ గా మంచి క్రేజ్ ను సంపాదించిన నగ్మాకు టాలీవుడ్, కోలీవుడ్ హీరోయిన్స్ జ్యోతిక, రోహిణి చెల్లెల్లు అవుతారు. నగ్మా తల్లి పోయాక తండ్రి మళ్ళీ పెళ్లి చేసుకోవడంతో జ్యోతిక, రోహిణి జన్మించారు. జ్యోతిక హీరో సూర్యను పెళ్లాడిన సంగతి తెలిసిందే.

ఐశ్వర్య రాజేష్, శ్రీలక్ష్మి బంధం ఎలాంటిదంటే.. శ్రీలక్ష్మి సోదరుని కూతురు. ఒకప్పుడు హీరోగా చేసి, సడన్ గా మరణించిన రాజేష్ కూతురైన ఐశ్వర్య స్వయానా శ్రీలక్ష్మికి మేనకోడలు అవుతుంది.

ఎన్నో విజయవంతమైన మూవీ నిర్మించిన సూపర్ గుడ్ ఫిలిమ్స్ ఆర్బీ చౌదరి కొడుకే నటుడు జీవా. జీవా నటించిన ‘రంగం’ మూవీ తెలుగులో కూడా సూపర్ హిట్ అయింది. చౌదరి మరో కుమారుడు జిషన్ కూడా కొన్ని సినిమాలు చేసాడు.

దర్శకుడు సెల్వ రాఘవన్ కి నటి విద్యుల్లేఖ రామన్ కి బావ అవుతాడు. మొదటి భార్యకు విడాకుల తర్వాత విద్యుల్లేఖ సోదరిని సెల్వ పెళ్లి చేసుకున్నారు.

మంచి మంచి సామాజిక అంశాలతో కథలల్లీ వాటికి మాస్ ఏలిమెంట్స్ ను జోడించి సినిమాలు తీస్తూ హీరోలు తన మీద పెట్టుకున్న నమ్మకాన్నీ, ఫ్యాన్స్ పెట్టుకున్న ఆశలను వమ్ము చేయకుండా హిట్ల మీద హిట్లు కొడుతున్న కొరటాల శివ తెలుగు సినిమాలో మంచి రచయితగా పేరు తెచ్చుకున్నారు. అలాగే దర్శకుడిగా, నటుడిగా తనదైన శైలిలో ఓ ప్రత్యేక స్థానాన్ని సంపాదించుకున్న పోసాని కృష్ణ మురళీ గారికి కొరటాల శివ మేనల్లుడు అవుతాడు. కొరటాల సినిమా రచయితగా మారడానికి ప్రోత్సాహం ఇచ్చింది కూడా పోసానియే.!