Anupama Parameswaran: అనుపమ పరమేశ్వరన్.. ఇటీవల కాలంలో తెలుగు సినిమా ఇండస్ట్రీలో ఈ పేరు హాట్ టాపిక్ గా మారింది. కాగా మొదట ప్రేమమ్ సినిమాతో సినిమా ఇండస్ట్రీకి ఎంట్రీ ఇచ్చిన అనుపమ ఆ తర్వాత తెలుగులో త్రివిక్రమ్ శ్రీనివాస్ దర్శకత్వం వహించిన అఆ మూవీ తో తెలుగు సినిమా ఇండస్ట్రీ ఎంట్రీ ఇచ్చింది.. మొదటి సినిమాతోనే మంచి గుర్తింపు తెచ్చుకున్న ఈమె యూత్ లో మంచి ఫ్యాన్స్ బేస్ ని ఏర్పరుచుకుంది. ఆ తరువాత నుంచి మలయాళంతో పాటు తెలుగులో కూడా వరుస సినిమాలు చేస్తూ వచ్చింది. ఇటీవల సిద్దు జొన్నలగడ్డ హీరోగా నటించిన టిల్లు స్క్వేర్ సినిమాతో ప్రేక్షకులను పలకరించింది అనుపమ.
ఈ సినిమా 100 కోట్ల మార్క్ ని సొంతం చేసుకోవడంతో చిత్ర యూనిట్ రీసెంట్ గా సక్సెస్ మీట్ ని నిర్వహించారు. ఈ ఈవెంట్ కి జూనియర్ ఎన్టీఆర్, త్రివిక్రమ్ శ్రీనివాస్ అతిథులుగా వచ్చారు. ఇక ఈ ఈవెంట్ లో టిల్లు స్క్వేర్ సక్సెస్ షీల్డ్ ని ఎన్టీఆర్ అండ్ త్రివిక్రమ్ చేతుల మీదుగా అనుపమ అందుకున్నారు. ఈ సందర్భంగా అనుపమ ఆ ఫోటోని తన సోషల్ మీడియాలో షేర్ చేస్తూ.. ఎనిమిదేళ్ల క్రితం త్రివిక్రమ్ గారితో అఆ సినిమా ప్రీ రిలీజ్ ఈవెంట్ లో స్టేజి షేర్ చేసుకున్నారు. ఆ సమయంలో నాకు తరువాత రాబోయే జర్నీ గురించి ఏమి తెలియదు.
లైఫ్ నిజంగానే ఒక సర్కిల్..
అలా మొదలైన నా జర్నీ నేడు టిల్లు స్క్వేర్ గ్రాండ్ సక్సెస్ వరకు చేరుకుంది. ఈరోజు కూడా త్రివిక్రమ్ గారు నాతో పాటు స్టేజి పై ఉన్నారు. లైఫ్ నిజంగానే ఒక సర్కిల్. తెలుగు ఇండస్ట్రీలో నాకు గురువుగా ఉన్న త్రివిక్రమ్ గారికి హృదయపూర్వక కృతజ్ఞతలు అని రాసుకొచ్చింది అను. అనంతరం ఎన్టీఆర్ గురించి మాట్లాడుతూ.. ఎన్టీఆర్ గారు మాస్ కి ఒక నిర్వచనం. ఆయన యాక్టింగ్ అండ్ డైలాగ్ తో నన్ను ఎప్పుడు ఆశ్చర్యపరుస్తూనే ఉంటారు. ఆయనతో ఇలా స్టేజి ని పంచుకోవడం నాకు దక్కిన ఆశీర్వాదం అనుకుంటున్నాను. ఇక ఆయన దేవర సినిమా చూసి, ఎన్టీఆర్ గారి పర్ఫార్మెన్స్ కి నిలబడి క్లాప్స్ కొట్టే క్షణం కోసం ఎదురు చూస్తున్నాను అని రాసుకొచ్చింది అనుపమ.
