Featured
Lorry Driver : ఊర మాస్ చిత్రాలకు బాలయ్య తొలి అడుగు.. బిసి సెంటర్స్ లో అగ్గిపిడుగు.. లారీ డ్రైవర్ చిత్రం.!!
![](https://telugudesk.net/wp-content/litespeed/avatar/b47207310a52539c58088e13bb1e056c.jpg?ver=1720343725)
Published
2 years agoon
బాలయ్య మాస్ చిత్రాలు అనగానే రౌడీ ఇన్స్పెక్టర్, పెద్దన్నయ్య, సమరసింహారెడ్డి, నరసింహనాయుడు, సింహ, లెజెండ్, అఖండ చిత్రాలు గుర్తుకువస్తాయి. కానీ వీటి కంటే ముందే ఒక ఊర మాస్ చిత్రంలో ఆయన కనిపించారు. అప్పటికి(1990) బాలయ్యకు హిట్, సూపర్ హిట్ చిత్రాలు కొత్తవేమీ కాదు. అయినా ఎక్కడో మాస్ అనే పాత్ర బాలయ్య బాబుకు గట్టిగా తగల్లేదేమో అనిపిస్తుంది. ఆ క్రమంలో మాస్ కా బాస్.. నందమూరి నటసింహం బాలయ్య ఓ మాస్ చిత్రంతో అభిమానులను సందడి చేశారు.
స్టేట్ రౌడీ చిత్రం ఘన విజయం సాధించడంతో ఒక్కసారిగా తెలుగు సినీ ప్రముఖుల దృష్టిని దర్శకుడు బి.గోపాల్ ఆకర్షించారు. అలా ప్రముఖ నటుడు రావుగోపాల్ రావు, దర్శకుడు బి.గోపాల్ ను సంప్రదించి ఆయన దర్శకత్వంలో సినిమా నిర్మించాలనుకున్నారు. ఆ క్రమంలో ఈ దర్శకుడి డేట్స్ దొరకడం.. అలానే అందుకు తగిన విధంగా స్టార్ హీరో కూడా ఉండాలని బాలయ్య బాబుని సంప్రదించారు. బి.గోపాల్ కాంబినేషన్ లో సినిమా చేయడానికి బాలయ్య ఒప్పుకున్నారు. బాలయ్యతో సినిమా రూపొందించాలంటే కథ కూడా అంతే బలంగా ఉండాలి. కథ కోసం పరుచూరి బ్రదర్స్ ను సంప్రదించడంతో నిప్పురవ్వ, వంశానికొక్కడు చిత్రాలకి సంబంధించిన కథను చెప్పారు. ఎందుకనో బి.గోపాల్ ఆ కథల పట్ల అంతగా స్పందించలేకపోయారు.
అప్పటికే పరుచూరిబ్రదర్స్ బిజీ కావడంతో కథ వేరే చూసుకోండి అవసరమైతే మేము ఈ సినిమాకి మాటలు రాస్తామని చెప్పారు. లోగడ పుష్పానంద్ అందించిన కథతో సినిమాలు రూపొందించిన బి.గోపాల్.. తిరిగి బాలయ్యతో రూపొందించే చిత్రానికి కథ కోసం తిరిగి పుష్పానంద్ ను సంప్రదించడం జరిగింది. అలా రచయిత పుష్పానంద్ అందించిన కథ బాలయ్య, బి.గోపాల్ కు నచ్చడంతో సినిమా తీయడానికి ముందుకు వచ్చారు. బాలయ్యకు జోడిగా హీరోయిన్ ఎవరా? అని ఆలోచించగా.. బాలయ్య విజయశాంతిలది అప్పటికే సూపర్ హిట్ కాంబినేషన్. కానీ ఆమె కర్తవ్యం షూటింగ్ తో బిజీగా ఉన్నారు. బాలయ్యతో సినిమా అనగానే విజయశాంతి తన డేట్స్ ఇచ్చారు. ఈ సినిమా షూటింగ్ కొనసాగుతుండగానే కర్తవ్యం విడుదలై మంచి టాక్ తో ముందుకు పోతోంది. అలా “లారీడ్రైవర్” చిత్రంలో విజయశాంతికి సంబంధించిన పాత్రను ఇంకాస్త పెంచడం జరిగింది.
ఇక పోతే ప్రతి కథానాయకుడిగా మోహన్ రాజ్ బాలయ్యకు దీటుగా నటించారు. ఒక సన్నివేశంలో మోహన్ రాజు “నేను గుడివాడ రాయుడు అనగానే నువ్వు రాయుడు కాదు గుడివాడ రౌడీవని బాలయ్య చెప్పడంతో.. బాలయ్య అభిమానుల చప్పట్లతో థియేటర్ మొత్తం దద్దరిల్లింది. అలాగే శారదా, విజయ్ కుమార్, బాబుమోహన్ లాంటివారు ప్రధాన పాత్రలో కనిపించారు. హైదరాబాద్, విశాఖపట్నం, చిత్తూరు జిల్లాలో లారీ డ్రైవర్ సినిమా షూటింగ్ జరుపుకుంది. ఈ చిత్రానికి సంగీతం ఆయువు పట్టని చెప్పవచ్చు. 1990 వచ్చేసరికి దాదాపుగా చక్రవర్తి వెనుకబడ్డారు అనే టాక్ నడుస్తుంది. అయినా దర్శక, నిర్మాతలు ఈ సినిమా మ్యూజిక్ డైరెక్టర్ గా చక్రవర్తినే తీసుకున్నారు. తన మీద పెట్టుకున్న నమ్మకాన్ని వమ్ము చేయకుండా మ్యూజిక్ డైరెక్టర్ చక్రవర్తి చాలా శ్రద్ధగా కష్టపడి బాణీలు రూపొందించారు.
“బాలయ్య బాలయ్య.. గుండెల్లో గోలయ్య… జో కొట్టాలయ్య..” అలాగే “దసరా వచ్చిందయ్య… సరదా తెచ్చిందయా… దశమి వచ్చిందయ్యా దశనే మార్చిందయ్య…జయహో దుర్గా భవాని..హోయ్.! అనే పాటలు సూపర్ డూపర్ హిట్ అయ్యాయి. బాక్సాఫీస్ విషయానికొస్తే 120 థియేటర్లలో విడుదలైన ఈ మూవీ మొదటి వారంలో కోటి రూపాయల గ్రాస్ ను వసూలు చేసింది. 42 కేంద్రాలలో డైరెక్టర్ గా 50 రోజులు ఆడింది. చాలా సినిమాల విడుదల కోసం లారీడ్రైవర్ మూవీనీ తీసివేయడం వలన 8 కేంద్రాలలో 100 రోజులు ప్రదర్శింపబడి ఐదు కోట్ల రూపాయలకు పైగా వసూలు చేసింది. చాలా బి సి సెంటర్స్ లో మొదటి 50 రోజులు ప్రదర్శింపబడి వాటిని వెలుగులోకి తెచ్చి తొలి మాస్ జాతర చేసింది లారీ డ్రైవర్ చిత్రం.
![](http://telugudesk.net/wp-content/uploads/2024/02/tdtv_logo.png)
You may like
Mokshagna: ఆ స్టార్ హీరో కథతో మోక్షజ్ఞను లాంచ్ చేయనున్న బోయపాటి… రిస్క్ చేస్తున్న బాలయ్య?
Mokshagna: బోయపాటి డైరెక్షన్లో మోక్షజ్ఞ సినీ ఎంట్రీ.. ఫిక్స్ చేసిన బాలయ్య?
AP politics: లోకేష్ పవన్ కు పోటీగా మహిళ అభ్యర్థులు.. మహిళలను రంగంలోకి దింపిన జగన్?
Balakrishna: బాలయ్యకు అలాంటి మాటలు అంటే అస్సలు నచ్చవా… వింటే దబిడిదిబిడేనా?
Balakrishna: సినిమాలకు బ్రేక్ ఇవ్వబోతున్న బాలయ్య.. అదే ప్రధాన కారణమా?
Mokshagna: బాలయ్య సీక్వెల్ సినిమాతో మోక్షజ్ఞ గ్రాండ్ ఎంట్రీ… ఇదైనా నిజమేనా?
Featured
Lahari: ఖరీదైన కారును కొన్న బుల్లితెర నటి లహరి.. కారు ధర ఎంతో తెలుసా?
![](https://telugudesk.net/wp-content/litespeed/avatar/48f246d9b01e880e5843b8d38f9199e4.jpg?ver=1720343724)
Published
5 hours agoon
8 July 2024By
lakshanaLahari: బుల్లితెర నటిగా ఎన్నో అద్భుతమైన సీరియల్స్ లో నటిస్తూ మంచి సక్సెస్ అందుకున్న వారిలో లహరి ఒకరు. ఈమె తెలుగు బుల్లితెరపై వివిధ ఛానల్లలో ప్రసారమవుతున్న టీవీ సీరియల్స్ ద్వారా ప్రేక్షకుల ముందుకు వచ్చి మంచి సక్సెస్ అందుకున్నారు. ఇలా సీరియల్స్ లో నటిస్తూనే మరోవైపు యూట్యూబ్ ఛానల్ ద్వారా కూడా ఈమె ఎన్నో రకాల వీడియోలను షేర్ చేస్తూ ప్రేక్షకులను ఎంటర్టైన్ చేస్తున్నారు.
ఇటీవల కాలంలో బుల్లితెర సీరియల్స్ కి లహరి దూరంగా ఉన్న సంగతి మనకు తెలిసిందే. ఈమె ప్రెగ్నెంట్ కావడంతో ఎలాంటి ప్రాజెక్టులకు కమిట్ అవ్వలేదు. అయితే ప్రస్తుతం బాబు పుట్టిన తరువాత కూడా బాబు ఆలనా పాలన చూసుకుంటూ ఇంటికే పరిమితమయ్యారు. ఇలా సీరియల్స్ చేయకపోయినా సోషల్ మీడియా వేదికగా ఎన్నో వీడియోలను షేర్ చేస్తూ అభిమానులను సందడి చేస్తున్నారు.
ఇలా తన యూట్యూబ్ ఛానల్ ద్వారా తనకు సంబంధించిన ప్రతి ఒక్క విషయాన్ని అభిమానులతో పంచుకునే లహరి తాజాగా తాను కొత్త కారు కొన్న విషయాన్ని కూడా అభిమానులతో పంచుకున్నారు. ఈమె తన పేరెంట్స్ , భర్త కొడుకుతో కలిసి కొత్త కారు కొనుగోలు చేశారని తెలుస్తుంది. ప్రస్తుతం ఇందుకు సంబంధించిన ఫోటోలు కూడా సోషల్ మీడియాలో వైరల్ అవుతున్నాయి.
బెంజ్ కారు..
ఇక ఈమె ఖరీదైన బెంజ్ కారు కొనుగోలు చేశారని తెలుస్తోంది. ఇక ఈ కారు ఖరీదు సుమారు 80 లక్షల వరకు ఉంటుందని సమాచారం. ఇలా ఖరీదైన కారును లహరి కొనుగోలు చేయడంతో అభిమానులు ఈమెకు శుభాకాంక్షలు తెలియజేస్తున్నారు. ప్రస్తుతం కొత్త కారుకు సంబంధించిన ఫోటోలు నెట్టింట చక్కర్లు కొడుతున్నాయి.
Featured
VN Adithya: డల్లాస్ లో డైరెక్టర్ వి. ఎన్ ఆదిత్య కొత్త సినిమా… ఆదరణ మామూలుగా లేదుగా?
![](https://telugudesk.net/wp-content/litespeed/avatar/48f246d9b01e880e5843b8d38f9199e4.jpg?ver=1720343724)
Published
7 hours agoon
8 July 2024By
lakshanaVN Adithya: వి.ఎన్ ఆదిత్య పరిచయం అవసరం లేని పేరు. తెలుగు చిత్ర పరిశ్రమలో డైరెక్టర్ గా ఎంతో మంచి పేరు ప్రఖ్యాతలు సంపాదించుకున్న ఈయన ఎన్నో అద్భుతమైన సినిమాలను తెలుగు ప్రేక్షకులకు పరిచయం చేశారు. మనసంతా నువ్వే ,నేనున్నాను, శ్రీరామ్ వంటి ఫీల్ గుడ్ లవ్ చిత్రాల ద్వారా తెలుగు ప్రేక్షకుల ముందుకు వచ్చి ఎంతో మంచి సక్సెస్ అందుకున్న ఈయన మరో కొత్త సినిమా ద్వారా ప్రేక్షకుల ముందుకు రావడానికి సిద్ధమవుతున్నారు.
ఇప్పటికే పీపుల్ మీడియా ఆర్ట్స్ బ్యానర్ లో ఈయన దర్శకత్వం వహించిన సినిమాలు విడుదలకు సిద్ధమవుతున్నాయి. ఈ తరుణంలోనే మరో కొత్త సినిమాకు గ్రీన్ సిగ్నల్ ఇచ్చారు. అయితే ఈ సినిమా అమెరికాలోని డల్లాస్ లో షూటింగ్ జరుపుకోబోతోందని తెలుస్తోంది.ఓఎంజీ ప్రొడక్షన్ హౌస్ అనే కొత్త నిర్మాణ సంస్థలో.. డాక్టర్ మీనాక్షి అనిపిండి నిర్మాతగా ఈ సినిమా కార్యరూపం దాల్చనుంది.
ఈ క్రమంలోనే జులై 7వ తేదీ ఆదివారం నాడు అమెరికాలోని టెక్సాస్ రాష్ట్రంలో డల్లాస్ నగరంలో
లాకింట బంకేట్ హాల్లో నిర్మహించిన మీడియా సమావేశంలో తన కొత్త సినిమా గురించి అధికారకంగా తెలియజేశారు. ఇక ఈ సినిమా నిర్మాణం కూడా డల్లాస్లో జరగనుందని తెలుస్తోంది.
తాజాగా ఓఎంజీ ప్రొడక్షన్ హౌస్.. ఆడిషన్స్ నిర్వహించింది.
ఈ కార్యక్రమం ఇంత విజయవంతంగా జరగడానికి సహకరించిన డాలస్ మూవీ బఫ్స్ వాట్సప్ గ్రూప్ కి, డాలస్ ప్రొడ్యూసర్స్ వాట్సప్ గ్రూప్ కి, ఫేస్ బుక్ పేజెస్ ఎడ్మిన్స్ కి , శ్రీమతి సజిత నాయుడు తిరుమల శెట్టి కి, రష్మికి, వరుణ్ కి, జీషన్ కి, శ్యామ్ కట్రు, కమల్ నందికొండ, వరుణ్, కార్తీక్ అనిపిండి, డా.ఇస్మైల్ గారికి, శ్రీనివాస్ కల్లూరి, గోవర్ధన్, కిషన్ గార్లకి, లాకింటా హోటల్ మేనేజ్మెంట్ అండ్ స్టాఫ్ కి, మీడియా ఇన్ చార్జ్ మమతా కాసం గారికి, తన వ్యాఖ్యానం తో అందరినీ అలరించిన కుమారి సంహిత అనిపిండి కి, నిర్మాతలు డా. మీనాక్షి అనిపిండి, శ్రీ శాస్త్రి అనిపిండి మనస్పూర్తిగా ధన్యవాదాలు తెలిపారు.
Featured
Suma -Siddharth: యాంకర్ సుమ బుజం పై చేతులు వేసి రచ్చ చేసిన సిద్ధార్థ్.. షాక్ లో నెటిజన్స్!
![](https://telugudesk.net/wp-content/litespeed/avatar/48f246d9b01e880e5843b8d38f9199e4.jpg?ver=1720343724)
Published
14 hours agoon
8 July 2024By
lakshanaSuma -Siddharth: తెలుగు బుల్లితెర యాంకర్ గా ఎంతో మంచి సక్సెస్ అందుకున్న సుమ ఇటీవల కాలంలో వరుస సినిమా ఈవెంట్లతో ఎంతో బిజీగా గడుపుతున్నారు. ఈ క్రమంలోనే తాజాగా భారతీయుడు 2 సినిమా ప్రీ రిలీజ్ వేడుకను ఇటీవల హైదరాబాద్ లో ఎంతో ఘనంగా నిర్వహించారు. తాజాగా ఈ కార్యక్రమానికి సంబంధించిన ఎన్నో ఫోటోలు వీడియోలు సోషల్ మీడియాలో వైరల్ అవుతున్నాయి.
ఇక ఈ కార్యక్రమానికి సుమ యాంకర్ గా వ్యవహరించారు అయితే ఈ కార్యక్రమంలో భాగంగా నటుడు సిద్ధార్థ్ సుమ పట్ల వ్యవహరించిన తీరుపై నేటిజన్స్ ఒక్కసారిగా షాక్ అవుతున్నారు. వేదికపై సుమ మాట్లాడుతూ ఉండగా సిద్ధార్థ్ కూడా మాట్లాడుతూ పలు విషయాలను వెల్లడించారు. ఇంతకుముందు మేమిద్దరం స్టేజ్ పై మాట్లాడితే చాలా ఓవర్ చేస్తున్నామని అందరూ అనేవాళ్ళు.
ఇప్పుడు అంతకుమించి ఓవర్ చేస్తాము అంటూ సుమ భుజంపై చేతులు వేస్తూ కామెంట్స్ చేశారు. సుమతో మాట్లాడుతూ ఎప్పటి నుంచో మీరు చాలా ప్రీ రిలీజ్ ఈవెంట్స్ కు హోస్ట్ గా చేస్తూన్నారు. ఇప్పుడు భారతీయుడు 2 అయిపోయింది నెక్స్ట్ 3, 4, 5 ఇలా ఎన్ని సీక్వెల్స్ వచ్చిన వాటన్నింటికి మీరే హోస్ట్ గా వ్యవహరించాలని కోరుకుంటున్నాను అని తెలిపారు.
మన వయసు పెరగదు..
ఇలా సిద్ధార్థ్ మాట్లాడటంతో వెంటనే సుమా మాట్లాడుతూ… ఎన్ని సంవత్సరాలైనా మనిద్దరి వయసు ఎవరు పసిగట్టలేరు అందరి వయసు పెరుగుతూ ఉన్న మన వయసు మాత్రం అక్కడే ఆగిపోయింది అంటూ సుమా చేసిన ఈ వ్యాఖ్యలు వైరల్ అవుతున్నాయి మొత్తానికి సుమ పట్ల సిద్ధార్థ్ వ్యవహార శైలి ఒక్కసారిగా అభిమానులను ఆశ్చర్యానికి గురిచేస్తుంది.
![](https://telugudesk.net/wp-content/uploads/2024/07/actress-lahari-buys-benz-car-80x80.webp)
Lahari: ఖరీదైన కారును కొన్న బుల్లితెర నటి లహరి.. కారు ధర ఎంతో తెలుసా?
![](https://telugudesk.net/wp-content/uploads/2024/07/VN-Adithya-1-80x80.jpg?v=1720446825)
VN Adithya: డల్లాస్ లో డైరెక్టర్ వి. ఎన్ ఆదిత్య కొత్త సినిమా… ఆదరణ మామూలుగా లేదుగా?
![](https://telugudesk.net/wp-content/uploads/2024/07/Suma-Siddharth-80x80.webp)
Suma -Siddharth: యాంకర్ సుమ బుజం పై చేతులు వేసి రచ్చ చేసిన సిద్ధార్థ్.. షాక్ లో నెటిజన్స్!
![](https://telugudesk.net/wp-content/uploads/2024/07/deepika-80x80.jpg?v=1720453652)
Deepika Padukone: చీరలో బేబీ బంప్ ఫోటోలను షేర్ చేసిన దీపికా… చీర ధర, ప్రత్యేకత ఏమిటో తెలుసా?
![](https://telugudesk.net/wp-content/uploads/2024/07/sj-surya-80x80.jpg?v=1720453404)
SJ Surya: నా మిత్రుడు పవన్ ఏదో ఒక రోజు ఏపీ సీఎం అవుతాడు.. పవన్ పై ఎస్ జె సూర్య కామెంట్స్!
![](https://telugudesk.net/wp-content/uploads/2024/06/nallari-kirankumarireddy-80x80.png?v=1717917965)
Nallari Kiran Kumar Reddy : ఏపీలో దురదృష్టవంతుడంటే ఆయనే.. అంత సునామీలోనూ ఓటమి..
![](https://telugudesk.net/wp-content/uploads/2024/06/modi30-80x80.png?v=1717916702)
Modi 3.0 : ఏపీకి ఐదు కేంద్ర మంత్రి పదవులు.. ఎవరెవరికంటే..
![](https://telugudesk.net/wp-content/uploads/2024/06/Ali-80x80.webp)
Ali: ఇప్పుడు ఎన్నికలు పెట్టిన ఆయన సీఎం నేను హోమ్ మినిస్టర్ అవుతా: అలీ
![](https://telugudesk.net/wp-content/uploads/2024/06/ramojirao-1-80x80.webp)
Ramoji Rao: రామోజీరావు నటించిన ఏకైక చిత్రం ఏంటో తెలుసా?
![](https://telugudesk.net/wp-content/uploads/2022/08/sri-reddy.jpg..jpg?v=1661496981)
Sri Reddy: అది నిరూపిస్తే వైజాగ్ బీచ్ లో నగ్నంగా తిరుగుతా: శ్రీ రెడ్డి
Trending
- Featured4 weeks ago
Nallari Kiran Kumar Reddy : ఏపీలో దురదృష్టవంతుడంటే ఆయనే.. అంత సునామీలోనూ ఓటమి..
- Featured4 weeks ago
Modi 3.0 : ఏపీకి ఐదు కేంద్ర మంత్రి పదవులు.. ఎవరెవరికంటే..
- Featured2 weeks ago
Ali: ఇప్పుడు ఎన్నికలు పెట్టిన ఆయన సీఎం నేను హోమ్ మినిస్టర్ అవుతా: అలీ
- Featured4 weeks ago
Ramoji Rao: రామోజీరావు నటించిన ఏకైక చిత్రం ఏంటో తెలుసా?
- Featured4 weeks ago
Sri Reddy: అది నిరూపిస్తే వైజాగ్ బీచ్ లో నగ్నంగా తిరుగుతా: శ్రీ రెడ్డి
- Featured4 weeks ago
Ramoji Rao: రామోజీరావు ఆస్తుల విలువ ఎంత ఆయన ఆస్తులకు వారసులు ఎవరో తెలుసా?
- Featured4 weeks ago
Mahasena Rajesh: నన్ను సస్పెండ్ చేయాలంటే ముందు ఆ పని చేయాలి: మహాసేన రాజేష్
- Featured4 weeks ago
Vishwambara: విశ్వంభరలో మరో మెగా హీరో.. హిట్టుకోసమే ఈ హడావిడి!