Ram Charan: గత కొద్దిరోజుల నుంచి రష్యా ఉక్రేయిన్ మధ్య యుద్ధం జరుగుతున్న సంగతి మనకు తెలిసిందే. ఈ యుద్ధంలో భాగంగా ఎంతో మంది ప్రాణాలను కోల్పోయి పెద్ద ఎత్తున నష్టం జరగడంతో ఎంతో అందమైన ఉక్రేయిన్ ఒక్కసారిగా అతలాకుతలం అయిపోయింది. ఇలా ఎంతోమంది ఉక్రేయిన్ వాసులు రష్యా దాటికి భయాందోళన పరిస్థితులలో బతుకుతున్నారు.
ఇదిలా ఉండగా ఉక్రేయిన్ లో తనకు సెక్యూరిటీ గార్డుగా ఉన్నటువంటి రస్తీతో రామ్ చరణ్ కు మంచి అనుబంధం ఉంది. రామ్ చరణ్ నటించిన RRR సినిమా ఉక్రేయిన్ లో షూటింగ్ జరుపుకున్న సంగతి మనకు తెలిసిందే.ఈ సినిమా ఈ ప్రాంతంలో షూటింగ్ జరుపుకున్న సమయంలో నటుడు రామ్ చరణ్ కి రస్తీ అనే వ్యక్తి బాడీ గార్డ్ గా వ్యవహరించారు. ఈ సమయంలో చరణ్ తో అతనికి మంచి అనుబంధం ఏర్పడింది.
ప్రస్తుతం ఉక్రేయిన్ రష్యా దాడి నుంచి కాపాడుకోవడం కోసం ఎంతోమంది సైన్యంలో చేరుతున్నారు ఈ క్రమంలోనే రస్తీ అతని తండ్రి కూడా సైన్యంలో చేరడం వల్ల ఎన్నో ఆర్థిక ఇబ్బందులు తలెత్తాయి. ఇలా ఆర్థిక ఇబ్బందులతో సతమతమవుతున్న సెక్యూరిటీ గార్డుకు రామ్ చరణ్ ఆర్థిక సహాయం చేశారు. ఇలా తనకు సహాయం చేయడంతో సెక్యూరిటీ గార్డు రస్తీ స్పందిస్తూ రామ్ చరణ్ కు కృతజ్ఞతలు తెలియజేశారు.
చరణ్ గొప్ప మనసుకు నిదర్శనం…
ఈ సందర్భంగా సెక్యూరిటీ గార్డ్ రస్తీ మాట్లాడుతూ ఇక్కడ సినిమా షూటింగ్ జరిగిన అతి తక్కువ సమయంలో నేను రామ్ చరణ్ కి సెక్యూరిటీ గార్డుగా వ్యవహరించాను. అయితే అతనితో నా పని అయిపోయింది. ఇక తన గురించి ఏమాత్రం ఆలోచించరని భావించాను. అయితే ఆయన నేను ఆర్థిక ఇబ్బందుల్లో ఉన్నాననే విషయాన్ని తెలుసుకొని నాకు నా తండ్రికి వేరువేరుగా ఆర్థిక సహాయం చేస్తారని అసలు ఊహించుకోలేదని, ఇది ఆయన మంచి మనసుకు నిదర్శనం అంటూ సెక్యూరిటీ గార్డ్ రస్తీ ఈ సందర్భంగా రామ్ చరణ్ కు ప్రత్యేక కృతజ్ఞతలు తెలియజేశారు.
