Featured

Allu Ramalingaiah : సినిమాల్లో కామెడీకి కాస్తంత విలనిజాన్ని కలగలిపి ప్రత్యేక స్థానాన్ని సంపాదించుకున్నారు అల్లురామలింగయ్య !

Published

3 years ago

6 January 2022

Allu Ramalingaiah : ఆయన హాస్యం మూడు తరాల ప్రేక్షకులను అలరించింది. పశ్చిమగోదావరి జిల్లా పాలకొల్లులో పుట్టిన అల్లురామలింగయ్యకు చిన్నప్పుడు చదవు పెద్దగా అబ్బలేదు. తోటి మిత్రలతో తిరుగుతూ వారిని నవ్విస్తూ కాలం గడిపేవారు. కొద్ది కాలం తరువాత నాటకాల్లో నటించాలన్న ఆసక్తి కలిగింది. దీంతో ఊర్లోకి నాటకాల వారు వచ్చిన ప్రతి సారీ వారి వెంట తిరుగుతూ వారితే స్నేహం చేస్తూ ఏదో ఒక చిన్న వేషం ఇవ్వమని అడిగేవారట. ఆయన ఆసక్తిని మెచ్చిన వారు చిన్న అవకాశం ఇవ్వడం అలా తనకు వచ్చిరాని నటనతో మెప్పించడంతో తన నట జీవితాన్ని నాటకాలతో ప్రారంభించారు అల్లు రామలింగయ్య.

Allu Ramalingaiah : సినిమాల్లో కామెడీకి కాస్తంత విలనిజాన్ని కలగలిపి ప్రత్యేక స్థానాన్ని సంపాదించుకున్నారు అల్లురామలింగయ్య !

అప్పట్లో ఓ వైపు నాటకాల్లో పాల్గొంటూనే గాంధీజి పిలుపుతో క్విట్ ఇండియా ఉద్యమంలో పాల్గొని జైలుకు కూడా వెళ్లారు. అక్కడ కూడా సమయాన్ని వృధా చేయలేదు. తోటి వారిని ఏకం చేసి నాటకాలను ప్రదర్శించేవారు. జైలు నుంచి విడుదలైన తరువాత కూడా నాటకాలపైనే ఆసక్తి ఉండేది రామలింగయ్య గారికి అలా ఓ సారి గరికపాటి రాజారావు అల్లు రామలింగయ్య నటనను చూసి సినిమాల్లో తొలిసారిగా అవకాశం ఇచ్చారు. 1952 లో విడుదలైన పుట్టిల్లు చిత్రంలో మొదటి సారిగా నటించారు. ఆ తరువాత వద్దంటే డబ్బు, మూగమనసులు, దొంగరాముడు, మాయాబజార్, ముత్యాల ముగ్గు, మనవూరి పాండవులు, అందాలరాముడు, శంకరాభరణం ఇలా ఎన్నో ఆణిముత్యాల్లాంటి చిత్రాల్లో తన హాస్యంతో అలరించారు అల్లు రామలింగయ్య.

కొన్ని కొన్ని సినిమాల్లో కామెడీకి కాస్తంత విలనిజాన్ని కలగలిపి పోషించిన పాత్రలు సైతం ప్రేక్షకులను ఎంతగానో ఆకట్టుకునేవి. చిత్ర పరిశ్రమలో గాడ్ ఫాదర్‌లు , సపోర్ట్ చేసే వారు ఎవరూ లేకపోయినా కేవలం తన నటన, మనోధైర్యంతో ముందుకు సాగుతూ సినీ ఇండస్ట్రీలో తనకంటూ ప్రత్యేక స్థానాన్ని సంపాదించుకున్నారు. అలా సుమారు వెయ్యికిపైగా సినిమాల్లో కామెడీ విలన్ పాత్రలను పోషించారు అల్లు. అప్పట్లో కొన్ని పాటల్లోనూ తన విభిన్నమైన శైలితో ప్రేక్షకులను కడుపుబ్బా నవ్వించేవారు. ముత్యాలు వస్తావా అడిగింది ఇస్తావా అనే పాటే అప్పట్లోనే కాదు ఇప్పటికీ ట్రెండీ సాంగ్ గానే హిట్ లిస్ట్ లో ఉంది. 90లలోనూ ఆయన అనేక చిత్రాల్లో నటించి ప్రేక్షకుల గుండెల్లో చిరస్థాయిగా నిలిచిపోయారు. తాను నవ్వుతూ తోటి వారిని నవ్విస్తూ 50 ఏళ్లు సినీ ఇండస్ట్రీలో కొనసాగిన ఈ సినీ దిగ్గజానికి ఎన్నో అవార్డులు, పురస్కారాలు సొంతమయ్యాయి. మాయాబజార్ సినిమాల్లో అల్లు రామలింగయ్య నటించిన హాస్య సన్నివేశాలు ఇప్పటికీ ఎంతోగానో అలరిస్తాయి.

Allu Ramalingaiah : ఎన్నో సూపర్ హిట్ సినిమాలు నిర్మించిన అల్లు రామలింగయ్య

అల్లు రామలింగయ్య నిర్మాతగానూ గీతా ఆర్ట్స్ బానెర్ పైన అనేక చిత్రాలను నిర్మించారు. అవన్నీ కూడా బాక్సాఫీస్ వద్ద దాదాపు సూపర్ హిట్ గా నిలిచాయి. ఇక అప్పటి స్టార్ హీరో చిరంజీవి ని తన అల్లుడిని చేసుకున్నారు అల్లు రామలింగయ్య. ఆ తరువాత చిరు నటించిన అల్లుడా మజాకా, ముఠామేస్త్రీ, ఆ ఒక్కటి అడక్కు, మెకానిక్ అల్లుడు, ఆపద్భాందవుడు, పెద్దరికం, రౌడీ అల్లుడు, గ్యాంగ్ లీడర్, రాజా విక్రమార్క, కొదమ సింహం, జగదేకవీరుడు అతిలోక సుందరి, కొండవీటి దొగ, ఖైదీ నెం.786, ఆకరి పోరాటం వంటి చాలా వరకు సినిమాల్లో తన హాస్యంతో ప్రేక్షకుల మోముల్లో నవ్వుల జల్లు కురిపించారు. దేవుళ్లు, మావిచిరుగు సినిమాల్లోనూ చివరి దశకు చేరుకున్నా…తన హాస్యాన్ని అందరికీ పంచిన గొప్ప కళాకారుడు. ఆయన మాటలు మాట్లాడే శౌలీ, కామెడీ పంచ్ లు ఇప్పటికీ ప్రేక్షకుల నవ్వులో నిలిచిపోయాయి అనడంలో ఎలాంటి అతిశయోక్తి లేదు.

Up Next

Narasimha Raju : తెలుగు చిత్ర పరిశ్రమలో ఆంధ్రా కమల్ హాసన్‌.. నరసింహరాజు..!

Don't Miss

Gummadi : ఎన్.టి. రామారావు ఇచ్చిన మాటతో గుమ్మడి తిరుగులేని నటుడిగా ఎదిగి పద్మశ్రీ అందుకున్నారు.

Featured

Lahari: ఖరీదైన కారును కొన్న బుల్లితెర నటి లహరి.. కారు ధర ఎంతో తెలుసా?

Published

7 hours ago

8 July 2024

lakshana

Lahari: బుల్లితెర నటిగా ఎన్నో అద్భుతమైన సీరియల్స్ లో నటిస్తూ మంచి సక్సెస్ అందుకున్న వారిలో లహరి ఒకరు. ఈమె తెలుగు బుల్లితెరపై వివిధ ఛానల్లలో ప్రసారమవుతున్న టీవీ సీరియల్స్ ద్వారా ప్రేక్షకుల ముందుకు వచ్చి మంచి సక్సెస్ అందుకున్నారు. ఇలా సీరియల్స్ లో నటిస్తూనే మరోవైపు యూట్యూబ్ ఛానల్ ద్వారా కూడా ఈమె ఎన్నో రకాల వీడియోలను షేర్ చేస్తూ ప్రేక్షకులను ఎంటర్టైన్ చేస్తున్నారు.

ఇటీవల కాలంలో బుల్లితెర సీరియల్స్ కి లహరి దూరంగా ఉన్న సంగతి మనకు తెలిసిందే. ఈమె ప్రెగ్నెంట్ కావడంతో ఎలాంటి ప్రాజెక్టులకు కమిట్ అవ్వలేదు. అయితే ప్రస్తుతం బాబు పుట్టిన తరువాత కూడా బాబు ఆలనా పాలన చూసుకుంటూ ఇంటికే పరిమితమయ్యారు. ఇలా సీరియల్స్ చేయకపోయినా సోషల్ మీడియా వేదికగా ఎన్నో వీడియోలను షేర్ చేస్తూ అభిమానులను సందడి చేస్తున్నారు.

ఇలా తన యూట్యూబ్ ఛానల్ ద్వారా తనకు సంబంధించిన ప్రతి ఒక్క విషయాన్ని అభిమానులతో పంచుకునే లహరి తాజాగా తాను కొత్త కారు కొన్న విషయాన్ని కూడా అభిమానులతో పంచుకున్నారు. ఈమె తన పేరెంట్స్ , భర్త కొడుకుతో కలిసి కొత్త కారు కొనుగోలు చేశారని తెలుస్తుంది. ప్రస్తుతం ఇందుకు సంబంధించిన ఫోటోలు కూడా సోషల్ మీడియాలో వైరల్ అవుతున్నాయి.

బెంజ్ కారు..
ఇక ఈమె ఖరీదైన బెంజ్ కారు కొనుగోలు చేశారని తెలుస్తోంది. ఇక ఈ కారు ఖరీదు సుమారు 80 లక్షల వరకు ఉంటుందని సమాచారం. ఇలా ఖరీదైన కారును లహరి కొనుగోలు చేయడంతో అభిమానులు ఈమెకు శుభాకాంక్షలు తెలియజేస్తున్నారు. ప్రస్తుతం కొత్త కారుకు సంబంధించిన ఫోటోలు నెట్టింట చక్కర్లు కొడుతున్నాయి.

Featured

VN Adithya: డల్లాస్ లో డైరెక్టర్ వి. ఎన్ ఆదిత్య కొత్త సినిమా… ఆదరణ మామూలుగా లేదుగా?

Published

8 hours ago

8 July 2024

lakshana

VN Adithya: వి.ఎన్ ఆదిత్య పరిచయం అవసరం లేని పేరు. తెలుగు చిత్ర పరిశ్రమలో డైరెక్టర్ గా ఎంతో మంచి పేరు ప్రఖ్యాతలు సంపాదించుకున్న ఈయన ఎన్నో అద్భుతమైన సినిమాలను తెలుగు ప్రేక్షకులకు పరిచయం చేశారు. మనసంతా నువ్వే ,నేనున్నాను, శ్రీరామ్ వంటి ఫీల్ గుడ్ లవ్ చిత్రాల ద్వారా తెలుగు ప్రేక్షకుల ముందుకు వచ్చి ఎంతో మంచి సక్సెస్ అందుకున్న ఈయన మరో కొత్త సినిమా ద్వారా ప్రేక్షకుల ముందుకు రావడానికి సిద్ధమవుతున్నారు.

ఇప్పటికే పీపుల్ మీడియా ఆర్ట్స్ బ్యానర్ లో ఈయన దర్శకత్వం వహించిన సినిమాలు విడుదలకు సిద్ధమవుతున్నాయి. ఈ తరుణంలోనే మరో కొత్త సినిమాకు గ్రీన్ సిగ్నల్ ఇచ్చారు. అయితే ఈ సినిమా అమెరికాలోని డల్లాస్ లో షూటింగ్ జరుపుకోబోతోందని తెలుస్తోంది.ఓఎంజీ ప్రొడక్షన్‌ హౌస్‌ అనే కొత్త నిర్మాణ సంస్థలో.. డాక్టర్‌ మీనాక్షి అనిపిండి నిర్మాతగా ఈ సినిమా కార్యరూపం దాల్చనుంది.

ఈ క్రమంలోనే జులై 7వ తేదీ ఆదివారం నాడు అమెరికాలోని టెక్సాస్ రాష్ట్రంలో డల్లాస్ నగరంలో
లాకింట బంకేట్‌ హాల్‌లో నిర్మహించిన మీడియా సమావేశంలో తన కొత్త సినిమా గురించి అధికారకంగా తెలియజేశారు. ఇక ఈ సినిమా నిర్మాణం కూడా డల్లాస్‌లో జరగనుందని తెలుస్తోంది.
తాజాగా ఓఎంజీ ప్రొడక్షన్‌ హౌస్‌.. ఆడిషన్స్‌ నిర్వహించింది.

ఈ కార్యక్రమం ఇంత విజయవంతంగా జరగడానికి సహకరించిన డాలస్ మూవీ బఫ్స్ వాట్సప్ గ్రూప్ కి, డాలస్ ప్రొడ్యూసర్స్ వాట్సప్ గ్రూప్ కి, ఫేస్ బుక్ పేజెస్ ఎడ్మిన్స్ కి , శ్రీమతి సజిత నాయుడు తిరుమల శెట్టి కి, రష్మికి, వరుణ్ కి, జీషన్ కి, శ్యామ్ కట్రు, కమల్ నందికొండ, వరుణ్, కార్తీక్ అనిపిండి, డా.ఇస్మైల్ గారికి, శ్రీనివాస్ కల్లూరి, గోవర్ధన్, కిషన్ గార్లకి, లాకింటా హోటల్ మేనేజ్మెంట్ అండ్ స్టాఫ్ కి, మీడియా ఇన్ చార్జ్ మమతా కాసం గారికి, తన వ్యాఖ్యానం తో అందరినీ అలరించిన కుమారి సంహిత అనిపిండి కి, నిర్మాతలు డా. మీనాక్షి అనిపిండి, శ్రీ శాస్త్రి అనిపిండి మనస్పూర్తిగా ధన్యవాదాలు తెలిపారు.

Featured

Suma -Siddharth: యాంకర్ సుమ బుజం పై చేతులు వేసి రచ్చ చేసిన సిద్ధార్థ్.. షాక్ లో నెటిజన్స్!

Published

16 hours ago

8 July 2024

lakshana

Suma -Siddharth: తెలుగు బుల్లితెర యాంకర్ గా ఎంతో మంచి సక్సెస్ అందుకున్న సుమ ఇటీవల కాలంలో వరుస సినిమా ఈవెంట్లతో ఎంతో బిజీగా గడుపుతున్నారు. ఈ క్రమంలోనే తాజాగా భారతీయుడు 2 సినిమా ప్రీ రిలీజ్ వేడుకను ఇటీవల హైదరాబాద్ లో ఎంతో ఘనంగా నిర్వహించారు. తాజాగా ఈ కార్యక్రమానికి సంబంధించిన ఎన్నో ఫోటోలు వీడియోలు సోషల్ మీడియాలో వైరల్ అవుతున్నాయి.

ఇక ఈ కార్యక్రమానికి సుమ యాంకర్ గా వ్యవహరించారు అయితే ఈ కార్యక్రమంలో భాగంగా నటుడు సిద్ధార్థ్ సుమ పట్ల వ్యవహరించిన తీరుపై నేటిజన్స్ ఒక్కసారిగా షాక్ అవుతున్నారు. వేదికపై సుమ మాట్లాడుతూ ఉండగా సిద్ధార్థ్ కూడా మాట్లాడుతూ పలు విషయాలను వెల్లడించారు. ఇంతకుముందు మేమిద్దరం స్టేజ్ పై మాట్లాడితే చాలా ఓవర్ చేస్తున్నామని అందరూ అనేవాళ్ళు.

ఇప్పుడు అంతకుమించి ఓవర్ చేస్తాము అంటూ సుమ భుజంపై చేతులు వేస్తూ కామెంట్స్ చేశారు. సుమతో మాట్లాడుతూ ఎప్పటి నుంచో మీరు చాలా ప్రీ రిలీజ్ ఈవెంట్స్ కు హోస్ట్ గా చేస్తూన్నారు. ఇప్పుడు భారతీయుడు 2 అయిపోయింది నెక్స్ట్ 3, 4, 5 ఇలా ఎన్ని సీక్వెల్స్ వచ్చిన వాటన్నింటికి మీరే హోస్ట్ గా వ్యవహరించాలని కోరుకుంటున్నాను అని తెలిపారు.

మన వయసు పెరగదు..
ఇలా సిద్ధార్థ్ మాట్లాడటంతో వెంటనే సుమా మాట్లాడుతూ… ఎన్ని సంవత్సరాలైనా మనిద్దరి వయసు ఎవరు పసిగట్టలేరు అందరి వయసు పెరుగుతూ ఉన్న మన వయసు మాత్రం అక్కడే ఆగిపోయింది అంటూ సుమా చేసిన ఈ వ్యాఖ్యలు వైరల్ అవుతున్నాయి మొత్తానికి సుమ పట్ల సిద్ధార్థ్ వ్యవహార శైలి ఒక్కసారిగా అభిమానులను ఆశ్చర్యానికి గురిచేస్తుంది.